PARJAMITA 7:10 - BIBEL JAMITA NA DENGGAN

¹⁰ Ulang nisapaan, ‘Biasi dumenggan hatiha najolo umpado saonnari?’ Hum halak na oto do na marsapa songon i.

PARJAMITA 7:10 ပူးပေါင်းရင်းမြစ်များ

PARJAMITA 7:11

Angkon marbisuk do jolma na mangolu; jana sarupa do arga ni bisuk dohot tean-teanan;

PARJAMITA 7:9

Ulang mura biraraon; hum halak na oto do na patiop-tiop hosom.

JESAYA 50:1

Songon on do hata ni Tuhan: “Di dia ulaning surat sirang ni inangmu tanda na Huusir ia? Sanga tu ise dehe sian parsingiranKu, jungada Hugadis ho? Satutuna, hara ni hasalaanmu sandiri do umbaen na targadis ho, jana hara ni pangalaosimu sandiri do umbaen na diusir inangmu.

HAKIM-HAKIM 6:13

“Tola dehe au marsapa Tuan? ning si Gideon mangalusi. Muda tutu Tuhan mandongani hami, antong biasi didondoni angka pangalaho on hami? Di dia do sandok hahomangan na jungada dibaen Tuhan najolo i jana na nicaritohon ni angka ompu na umpompar hami sanga songon dia pangharuarkon ni Tuhan di halahi sian Mesir? Saonnari madung ditadingkon Tuhan hami jana dipadiar Ia hami dirajai angka halak Midian.”