PARJAMITA 6:8 - BIBEL JAMITA NA DENGGAN

⁸ Antong, aha ma hauntungan ni halak na pistar sian sada halak na oto? Aha muse ma gunana diboto halak na pogos carana laho mangadopi ngolu on?

PARJAMITA 6:8 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

MASMUR 101:2

Giot mangolu au nian so targora andigan pe Ho ro tu iba? Giot badia do ngolungku di bagasku,

MASMUR 116:9

Gabe tola ma au dohot mangarasoi ngolu di tano on, di bagasan pangalinggoMi ni Tuhan.

PODA 19:1

Dumenggan do halak na pogos na denggan roha, ulang pado halak na oto na sai marbungkak.

PARJAMITA 5:11

Mur bahat sinadongan mur bahat do halak silehenonniba mangan. Umpe adong hauntungan di nampunasa, hum na kayo ma ia na binotonia.

PARJAMITA 6:9

Magopo do sudena i songon karejo na manangkup alogo. Gumonan do hita puas marhite na adong di hita ulang pado marpor ni roha anso umbahat dope.

LUKAS 1:6

Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.