PARJAMITA 6:6 - BIBEL JAMITA NA DENGGAN

⁶ Jana dumengganan do i umpado halak na mangolu dua ribu taon, hape nada jungada marhamogaan. Nada he rap kehe tu inganan na sarupa do na dua i?

PARJAMITA 6:6 ပူးပေါင်းရင်းမြစ်များ

PAMUNGKAAN 5:5

Jana marumur ma ia 930 taon di parmondingnia.

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

JOB 7:7

Ingot ma, hum sangombus sordam do ngoluniba; simanolongku nada bisa be mangaligi na denggan.

MASMUR 34:12

Por dehe rohamunu lolot di hangoluan jana mandai hadengganan dohot hatuaan?

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 2:14

Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

PARJAMITA 3:20

Manuju tu inganan na sarupa do halahi. Na marmula sian abu do halahi jana muli mulak tu abu.

PARJAMITA 6:3

Haru pe adong sada halak saratus anakna jana lolot ia mangolu jabat matobang situtu ia, tapi muda nada martua pangkilalaannia jana nada dikuburkon ia di pangalaho na sapatutna, jadi anggo mangihutkon pandapotku, dumengganan dope jambar ni dakdanak na sorang na torus mate umpado bayo i.

PARJAMITA 6:5

Na so jungada dope diida ia sinondang ni mataniari, jana nada mangarti muse dope ia astuan ni ngolu on, jadi gabe sonang ia modom.

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

PARJAMITA 9:2

Tutu do nian, sarupa do bagian na mandondoni ganop jolma: Halak na jujur sanga halak na jurngit, halak na burju sanga pe halak na jahat, halak na ias sanga pe halak na hodar, halak na manghaulkon haul sanga na so marhaul. Nada dumohar halak na burju sian halak na mardosa, mandosdos do halak na marsumpa dohot halak na so ra marsumpa.

JESAYA 65:20

Nada adong be dakdanak na mate dompak menek, jana halak na magodang sayur matua bulung, halak na mate marumur saratus taon laing etongon dope na poso, jana na mate painte so marumur saratus taon etongon do i na hona uhum.

JESAYA 65:22

Nada pajongjongon ni halahi bagi aha, anso halak na asing manginganisa, jana nada suanon ni halahi bagi aha, anso halak na asing mangankon parbatuna. Angke umur ni bangsongKu angkon saginjang ni umur ni hayu, jana angka halak na Hupili angkon mandai suha ni parkarejoan ni tanganna.

JEREMIA 17:6

Songon suan-suanan do i na tubu di padang-padang i di tano na gariang jana marsira na so jungada do i na denggan didaisa.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.