PARJAMITA 6:3 - BIBEL JAMITA NA DENGGAN

³ Haru pe adong sada halak saratus anakna jana lolot ia mangolu jabat matobang situtu ia, tapi muda nada martua pangkilalaannia jana nada dikuburkon ia di pangalaho na sapatutna, jadi anggo mangihutkon pandapotku, dumengganan dope jambar ni dakdanak na sorang na torus mate umpado bayo i.

PARJAMITA 6:3 ပူးပေါင်းရင်းမြစ်များ

PAMUNGKAAN 33:5

Dung manaili si Esau humaliang, diida ia ma angka dadaboru dohot angka dakdanak i, jadi disapai ia ma, “Angka ise dehe donganmon?” “Angka dakdanakku do i da tuanku,” ning si Jakob mangalusi. “Madung dipataridahon Debata tu iba holong ni rohaNa jana dilehen angka dakdanak i tu au.”

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

2 RAJA-RAJA 10:1

Adong do pitu pulu halak anak ni Raja Ahab dohot pahompunia di Samaria. Jadi gabe ditongos si Jehu ma surat tu angka na mangampu anak dohot pahompu ni si Ahab i dohot tu angka na markuaso di kota i bope tu angka hatobangon na adong di Samaria. Songon on ma hata ni surat i,

2 RAJA-RAJA 9:35

Tapi di na kehe angka jolma na giot mambuat bangkena i, hum holi-holi ni tangan dohot patna noma didapot halahi.

1 JUJUR TAON 28:5

Dilehen Ia do hagabean bahat anak di au jana sian anakki sudena ditodo Ia do si Salomo anso mamarenta di Israel, harajaan ni Tuhan i.

2 JUJUR TAON 11:21

Adong do salapan bolas dadaboru ni si Rehabeam dohot onom pulu radingnia, dua pulu salapan anak halaklahi dohot onom pulu borunia. Sian dadaborunia i sude dohot radingnia i, si Maaka do na humolong rohania.

ESTER 5:11

Jadi manggambung ma si Haman tu halahi mambonggalkon sinadongannia, bahat ni anaknia halaklahi, jabatannia na penting na nijagitnia sian raja dohot pangkatnia na gumincat sian angka pagawe na asing i.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

JOB 3:11

Biasi so mate di bortian ni dainang au? Sanga mate mardongan tubu-tubungku?

JOB 3:16

Biasi nada sorang so marhosa iba, songon dakdanak na so sanga mangaligi na torang?

MASMUR 58:8

Padiar ma halahi songon langkitang na maderder gabe godir, songon dakdanak na baru sorang mate dompak so marnida na torang.

PODA 17:6

Jagar-jagar ni halak na matobang, i ma anak maradu pahompuna; jagar-jagar ni dakdanak, i ma simatobangna.

PARJAMITA 4:3

Tapi na gumodang dope tuana muse, i ma angka jolma na so sorang dope, harana nada diida halahi dope hajahatan na dikarejohon di tano on.

PARJAMITA 6:4

Harana anggo di dakdanak i nada gabe soal sanga ditubuhon ia sanga nada; kehe ia tu bagasan hagolapan, jana torus dihalupahon.

JEREMIA 22:19

Saraton ma si Joyakim jana sampakkononna tu balian ni pintu horbangan ni Jerusalem songon na nibaen ni halak tu bangke ni halode.”

JEREMIA 36:30

Hara ni i Au Tuhan mandok tu ho ale Joyakim, sahalak pe sian pomparanmu nada adong be na mamarenta songon pomparan ni si Daud. Sampakkonon ma bangkemu tu balian, dipangan las ni ari di arian dohot ombun manyorop di bornginna.

JEREMIA 8:2

nada laho palaguton sanga tanomon mangulahi tapi padiaron do rerak di tano i songon rompak. Marserak ma angka holi-holi ni jolma i di las ni ari, di torang ni bulan dohot angka bintang na nihaholongan ni halahi, na nioloanna, na nisomba dohot pangidoan ni panogu-noguon ni halahi.

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”