PARJAMITA 6:2 - BIBEL JAMITA NA DENGGAN

² Huhul dilehen Debata hamoraon, hasangapan dohot sinadongan tu sada-sada halak, jabat nada adong be por ni rohania. Hape nada dipaloas Debata ia mandai sude na nilehenNa i. Sabalikna do, halak na asing do na mangarasoi dai ni hamoraan i. Jadi magopo do sudena i jana nada tigor.

PARJAMITA 6:2 ပူးပေါင်းရင်းမြစ်များ

1 RAJA-RAJA 3:13

Salang angka na so dipangido ho pe lehenonKu do di ho. Salolot mangolu ho mamora ma ho jana dipasangap halak lumobi sian raja na asing sanga na ise pe.

1 JUJUR TAON 29:25

Dibaen Tuhan do sude rayat i marlomo ni roha mida si Salomo jana dibaen Ia muse si Salomo dumohar sian sude raja na jungada mamarenta di Israel.

1 JUJUR TAON 29:28

Na mora do ia boti na sangap jana ginjang do umurnia di na marujung ngolunia. Anaknia si Salomo do manggonti ia gabe raja.

2 JUJUR TAON 1:11

Dialusi Debata ma tu si Salomo, “Denggan do da pangidoanmi. Nada hakayoan dipangido ho sanga sinadongan sanga anso tarbonggal sanga hamatean ni musumu, sanga umur na ginjang di dirimu sandiri, tapi habisuhon do dohot parbinotoan laho mamarenta bangsongKu na Hupasahat tu ho.

MASMUR 17:14

Palua ma au dohot tanganMu, ale Tuhan, sian angka jolma portibi on, na dapotan bagian di pangoluon on, padiar ma dipabutong butuha ni halahi dohot na dung dipasingkopMu, gabe dohot ma angka dakdanak ni halahi butongan, jana angka na teba i dilehen tu angka dakdanak na menek.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 73:7

Gok hajahatan do roha ni halahi, sai giot mambaen sangkap na jat do pikiran ni halahi.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 5:13

Huida do di tano on sada pangalaho siarsakkonon: Sada halak na palagut arta tu hamamasa ni hamagoan.

PARJAMITA 5:16

Nada tigor i! Parkehenta laing songon hatiha di na ro hita. Marloja-loja hita laho manangkup angin, jana aha do gunana?

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

PARJAMITA 5:19

Muda maruli sada halak hamoraon sanga sinadongan sian Debata, jana dipaloas ia mangkilalahon hamoraon i, angkon mandok tarimakasi ma ia jana daionnia ma sude suha ni karejonia. I pe laing silehen-lehen ni Debata do i.

JESAYA 55:2

Baen aha manobusi barang na so bisa panganon, dohot markarejo baen tu sipanganon na so pabutongkon? Ihutkon ma parentangKu, gabe dapot ho ma na denggan, jana daionmu ma sipanganon na tabo.

ANDUNG 5:2

Madabu tu tangan ni halak sileban do tean-teanannami, diingani halak na asing angka bagasnami.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

HOSEA 7:9

Hape na so pamotoan ni halahi, mago do hagogoan ni halahi hara ni hasadaan ni tahi ni halahi dohot angka bangso-bangso i. Donok noma ajal ni halahi, hape nada diboto halahi.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:43

Mur markuaso ma halak sileban na maringanan di tanomunu, hape anggo kuasomunu mur tu murakna.

HAKIM-HAKIM 18:10

Muda lalu hamu tusi, dapotonmunu ma disi bangso na so hurangan sanga aha pe, bidang do tano i, jana tuk do disi sanga aha giot ni rohaniba. I ma tano na dumenggan di tano on. Madung dilehen Tuhan i tu hamu.”