PARJAMITA 6:12 - BIBEL JAMITA NA DENGGAN

¹² Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

PARJAMITA 6:12 ပူးပေါင်းရင်းမြစ်များ

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

JOB 14:2

Mangerbang ia jana malos songon bunga; salpu songon halinu lalu mago so tarida.

JOB 14:21

Angka dakdanakna gabe halak na marmulia, tapi nada jabat be diboto ia. Jana muda sanga halahi marbile, nada adong halak na paboahon tusia be.

JOB 8:9

Pendek do hita mangolu, so ada taboto sanga aha, hum songon halinu sajo do da ari-arinta.

MASMUR 102:11

Salpu ngolungki songon halinu borngin, malos ma au songon duhut.

MASMUR 109:23

Na giot mago noma au, songon halinu borngin, dihirpaskon do au songon siapor.

MASMUR 144:4

Tudos tu sangombus alogo sajo do da jolma i, songon halinu na mamolus, songon i ma ngolu ni halahi.

MASMUR 16:5

Ho sajo do, Tuhan na gabe bagianku; sude na porlu di au, lehenonMu; di tanganMu do ngolungku.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

MASMUR 47:4

Ditodo Ia do di hita tano pusako, na nihagodangkon ni roha ni bangso na nihaholonganNia.

MASMUR 89:47

Ingot ma pendek ni umurnami, songon mahluk parsantongkinan do ditompa Ho hami.

PARJAMITA 10:14

Tutu do, doras do pangkuling ni halak na oto. Buni do di hita sudena ari na giot ro. Nada adong na malo mangaramal na giot masa dung salpu hita.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

PARJAMITA 2:3

Hara ni pangonjar ni por ni rohangku anso gabe pistar, hupasada ma rohangku laho marsonang-sonang marhite na minum anggur dohot na marpesta-pesta. Ninna rohangku songon i ma dalanna na dumenggan di jolma laho mangkilala ngoluna na pendek i di tano on.

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.

PARJAMITA 6:11

Mur honok ia manjua, mur so mararti do hata na nidokna, mur so adong do sanga aha untungnia.

PARJAMITA 7:15

Nada adong guna ni ngolungki, tapi salolot mangolu au huida do sasudena. Huhul mate do halak na burju i, haru pe tigor ia. Hape halak na jahat i ginjang do umurna, haru pe dipupu ia mardosa.

PARJAMITA 8:13

Sabalikna, anggo halak na jahat dapotan bahat hasusaan. Tibu salpu ngoluna i songon halinu. Mate ma ia dompak poso dibaen nada mangoloi ia tu Tuhanna.

PARJAMITA 8:7

Umpe sahalak na mamboto sanga aha bagian sipainteon, jana nada adong na malo mandok sanga aha na giot tarjadi.

PARJAMITA 9:6

Holong ni roha, hagigian maradu hagiotnia mate do sudena i rap dohot ia. Nada be maruli ia di bagi aha di bagasan sude na masa di portibi on.

PARJAMITA 9:9

Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

JAKOBUS 4:14

hape nada diboto hamu sanga aha na giot masa ancogot di ngolumunu. Aha ma he hosamunu i? Na songon timus sajo do ho, tarida santongkin sajo, dung i manigor mago.”