PARJAMITA 5:8 - BIBEL JAMITA NA DENGGAN

⁸ Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

PARJAMITA 5:8 ပူးပေါင်းရင်းမြစ်များ

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

JOB 24:23

Dilehen Debata disia ngolu na sonang i, tapi nada marnamantak ia dimatai.

MASMUR 12:5

Didok Tuhan, “Halak na dangol sai diparkanciti, halak na oto humolos hara ni na hancit i. Ro Au laho mangalehen tu halahi hasonangan na dihalungunkonna i.”

MASMUR 55:9

Sursari ma ale Tuhan, parkobaran ni musungku, angke huida do na mangasa gogo dohot hagaoran di kota.

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia:

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 95:3

Angke Debata na godang do Tuhan, raja na marsahala mangatasi sandok debata.

PODA 22:16

Sanga ise na mamisat halak na so marnampuna jana marsilua tu halak na mora mardongan maksud anso mamora gabe marpogos situtu do i di ujungna.

PODA 24:12

Bolas do dokkononmu, “Nada ahana i di au.” Tapi diboto Debata do pikiranmu jana adilanNa do ojahan ni pikiranmu. Dijago Ia do ngolumu jana baloskononNia do di ho marguru tu pambaenanmu.

PODA 8:17

Huhaholongi do na marholong ni roha di au; na manjalahi au, gabe dapot ia do au.

PARJAMITA 3:16

Adong dope na huida di tano on: Sanga na di dia adong hatigoran dohot hadengganan, disi muse do adong hajahatan.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

PARJAMITA 5:9

Jana ngolu ni raja pe marguru tu suha ni karejona do.

PARJAMITA 7:7

Muda manipu halak na pistar, oto do pambaenannia i. Muda manjagit hepeng sogok halak, sego ma pikiranna.

PARJAMITA 8:9

Huida do sudena on di na huparrohahon halolojamu, salolot di ngolumu di tano on. Huhul dipake jolma i do kuasona laho mangarugii donganna jolma.

JESAYA 10:12

Tapi didok Tuhan ma, “Anggo dung sidung do na giot baenonKi di Dolok Sion dohot di Jerusalem, uhumonKu do raja ni Asur i hara ni ginjang ni rohana dohot gakgakna.”

JESAYA 3:15

Nada adong hakmu laho mamisat bangsongKu dohot mamoro halak na pogos. Au Tuhan Debata Na Markuaso madung mandok songon i.”

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 5:7

Satutuna bangso Israel do kobun anggur ni Tuhan Na Markuaso i; jana halak Juda ma bona ni anggur na nisuanNia i. Diarop Ia hasintongan, tapi na ro hum harorangan. Diarop Ia hatigoran, tapi na ro hum hajahatan.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JEHESKIEL 18:18

Sabalikna amangna i na sai tagi mangicu, manangko dohot mambaen hajahatan na asing, mate ma i hara ni angka dosa na nibaenna sandiri.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

AMOS 6:12

Tarbaen kudo ma he marlojong di dolok batu? Unjung ma he mambajak halak di laut mamake lombu? Hape anggo hamu dipabalik-balik hamu do hatigoran lopus gabe rasun na mamatehon.

MIKA 2:9

Angka dadaboru sian tonga-tonga ni bangsongKu diusir hamu do sian dongan sabagasna na nihaholongan ni rohana, jana dipambuati hamu angka dakdanak ni halahi na songon pasupasungKu hian di halahi sapanjangna.

ZAKARIA 8:6

Songon on do hata ni Tuhan Na Markuaso: Songon na so porsaya do i anggo di angka na tinggal na mangolu sian bangso i, tapi gabe dohot ma lakna longang Au disi? ninna Tuhan Na Markuaso.

MALEAKI 3:5

“Ro ma Au mandapotkon hamu laho manguhumi hamu. Manigor lehenonKu ma hasaksian mangalo angka pangajii, angka jolma panggampang na manyaksihon gabus, na mamogo upa ni halak pangomo, na manyosak angka na mabalu, na so marama so marina dohot halak sileban. Mangkuling ma Au laho mangalo sude halak na so pasangapkon Au, ninna Tuhan Na Markuaso i.”

LUKAS 1:32

Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 1:76

O, ale anakku, goaron ma ho panurirang ni Debata Na Gumincat i. Jumolo do ho disuru Tuhan giot manastas dalan sibolusonNia.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

1 JOHANNES 3:13

Antong hamu ale angka dongan! Ulang pola homang be rohamunu muda dihagigihon portibi on hamu.