PARJAMITA 5:19 - BIBEL JAMITA NA DENGGAN

¹⁹ Muda maruli sada halak hamoraon sanga sinadongan sian Debata, jana dipaloas ia mangkilalahon hamoraon i, angkon mandok tarimakasi ma ia jana daionnia ma sude suha ni karejonia. I pe laing silehen-lehen ni Debata do i.

PARJAMITA 5:19 ပူးပေါင်းရင်းမြစ်များ

1 RAJA-RAJA 3:13

Salang angka na so dipangido ho pe lehenonKu do di ho. Salolot mangolu ho mamora ma ho jana dipasangap halak lumobi sian raja na asing sanga na ise pe.

2 JUJUR TAON 1:12

Jadi hara ni i, lehenonKu ma di ho habisuhon dohot parbinotoan. Tamba ni i baenonKu ma ho mur tu makmurna, mur makayo jana tarbonggal sumurung sian angka raja sanga na dia di hatiha na dung salpu bope tu hatiha na giot ro.”

PARJAMITA 3:13

Angkon mangan do hita sudena, minum dohot mangarasoi suha ni karejonta. Silehen-lehen ni Debata do i.

PARJAMITA 6:2

Huhul dilehen Debata hamoraon, hasangapan dohot sinadongan tu sada-sada halak, jabat nada adong be por ni rohania. Hape nada dipaloas Debata ia mandai sude na nilehenNa i. Sabalikna do, halak na asing do na mangarasoi dai ni hamoraan i. Jadi magopo do sudena i jana nada tigor.

PANGARATAION 8:18

Ingot hamu ma! Tuhan Debatamunu i do na mambaen mamora hamu. Patunda ni na laing setia do Ia lalu tu sadari on tu janji na nibaenNia dohot ompumunu umbaen na dipatupa Ia na songon i.