PARJAMITA 5:17 - BIBEL JAMITA NA DENGGAN

¹⁷ Di bagasan hagolapan, hasusaan, arsak ni roha, hamuruhon dohot parkancitan do hita salolot mangolu.

PARJAMITA 5:17 ပူးပေါင်းရင်းမြစ်များ

PAMUNGKAAN 3:17

Dung i didok Ia ma tu halaklahi i, “Dibaen madung dipatangi-tangi ho hata ni dadaborumu gabe dipangan ho batu ni hayu na Hudok na so tola panganonmu. Jadi hara ni pangalahomi, gabe hona bura ma tano. Angkon marsitutu noma ho karejo salolot di ngolumu, anso tuk panganonmu sian suha ni tano i.

1 RAJA-RAJA 17:12

Dialusi anak boru i ma, “Mangasahon Tuhan na mangolu, Debata na nisomba ni damang husumpahon do, paboa na so adong rotingku. Hum sanjomput topung gandum ma na adong di mangkuk dohot miak zetun saotik di botol. Na mambuat soban do au laho mangalompahon sisaotik i anso hami pangankon i dohot anakki. I noma panganonnami na parpudi, dung i painte-inte mate noma hami.”

2 RAJA-RAJA 1:2

Sanoli madabu ma si Ahasia raja ni Israel i sian jandela di tirket parginjang na di bagas godangnia i di Samaria, jabat do posi. Jadi disuru ia ma halak manyapai tu si Baal-Zebub debata ni halak Ekron di Pilistin, sanga na malum dope hilalaonnia sanga nada.

2 RAJA-RAJA 1:6

Dialusi halahi, “Na ro do sada bayo mandapotkon hami jana disuru ia hami mulak anso hami dok tu raja i na nidok ni Tuhan tu raja i, ‘Adong he na so adong be Debata di Israel umbaen na nisurumu mangido panogu-noguon tu Baal-Zebub debata ni halak Ekron i? Nada malum be hilalaonmu; mate noma ho!’ ”

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

JOB 21:25

Hape adong muse do na mate matua di haporsuhan, so unjung mandai hamogaan.

MASMUR 102:9

Hupapangani abuan songon roti, inumonku pe marcampur ilu.

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

MASMUR 39:6

nada lobi sian halinu. Nada adong arti ni sude halojaonna. Dipalagut ia arta, hape so dibotosa sanga ise na giot mamakesa.

MASMUR 78:33

Hara ni i gabe dipaujung Ia ma ngolu ni halahi, songon sangombus hosa, manigor lintop ma halahi.

PARJAMITA 2:10

Sanga aha por ni rohangku, dapot au do i. Na so jungada huorom diringku laho mangkilalahon hasonangan dia pe. Dihagodangkon rohangku do sude na dapot sian na huhalojahon, jana i ma upangku.

PARJAMITA 2:23

Sanga aha na nikarejohonnia salolot di ngolunia, parohon pardangolan do i dohot hancit ni roha disia. Dompak borngin pe susa do rohana. Jadi na magopo do sudena i.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.