PARJAMITA 5:16 - BIBEL JAMITA NA DENGGAN

¹⁶ Nada tigor i! Parkehenta laing songon hatiha di na ro hita. Marloja-loja hita laho manangkup angin, jana aha do gunana?

PARJAMITA 5:16 ပူးပေါင်းရင်းမြစ်များ

PODA 11:29

Halak na manggaori rumahtanggana, agoan do di sasudena. Halak na oto, gabe hatoban ni na bisuk do.

PARJAMITA 1:3

Markarejo hita salolot mangolu, maradu hodohan. Hape dia ma suhana na tarhagodangkon hita?

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 3:9

Aha ma he guna ni sude halolojanta?

PARJAMITA 5:13

Huida do di tano on sada pangalaho siarsakkonon: Sada halak na palagut arta tu hamamasa ni hamagoan.

JESAYA 26:18

Denggan ma pamatangnami jana mangae na hancit, hape nada bagi aha sorang; nada mangalehen pangurupion tu tano on, nada muse manambai halak na manginganisa.

JEREMIA 2:8

Angka malim nada adong be na marsapa sanga di dia Au, Tuhanna. Angka na pajongjong uhum pe nada mamboto sanga ise Au. Angka na markuaso mangalo do tu Au. Mangasahon goar ni Baal mandok hata angka panurirang, jana marsomba gana-ganaan na so marguna i.”

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

MARKUS 8:36

Aha ma he labona di halak, muda gabe ia puna sudena tano on hape mago tondinia? Aha muse ma labonia disi!

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

1 KORINTUS 16:16

Situtu ni rohangku manyosoi hamu, ihutkon hamu ma pamimpin na songon ia i, bope angka dongan na asing na markarejo dohot mangoloi rap dohot halahi.

1 SAMUEL 12:21

Ulang antong ihutkon hamu angka debata na so tarbaen mangurupi dohot paluahon hamu, angke na so tutu do adong halahi.