PARJAMITA 5:11 - BIBEL JAMITA NA DENGGAN

¹¹ Mur bahat sinadongan mur bahat do halak silehenonniba mangan. Umpe adong hauntungan di nampunasa, hum na kayo ma ia na binotonia.

PARJAMITA 5:11 ပူးပေါင်းရင်းမြစ်များ

PAMUNGKAAN 12:16

Hara ni si Sarai, gabe denggan ma pambaenan ni raja i tu si Abram, jana dilehen ma disia angka hatoban, biri-biri dohot hambeng, lombu, halode dohot unto.

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

PODA 23:5

Harana di bagasan sangombas sajo pe bolas do mago sinadonganmi, songon na marhabong ia jana habang tu langit songon unggas rajawali.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 2:9

Tutu do, gumodang do au ulang pado sanga ise na jungada maringanan di Jerusalem, jana habisuhonku tongtong tinggal rap dohot au.

PARJAMITA 5:12

Sada halak parkarejo bolas jadi do nada tuk panganonna, tapi palamani tarbaen do modom sinok. Sabalikna, sada halak na mora na songon i bahat sinadonganna, gabe nada tarbaen ia modom patunda ni sinadonganna i.

PARJAMITA 6:9

Magopo do sudena i songon karejo na manangkup alogo. Gumonan do hita puas marhite na adong di hita ulang pado marpor ni roha anso umbahat dope.

JEREMIA 17:11

Tudos tu unggas na mamodomi na so pirana; songon i ma halak na geduk maruli arta. Di na satonga umur tobangna agoan ma ia sude artania. Di ujung ni ngoluna tanda ma na santak do, otonia.

HABAKUK 2:13

Marloja-loja angka bangso na nitaluhonmu nada adong gunana, jana abis dipangan api do sude na nipajongjongna. Giot ni Tuhan Na Markuaso i do sudena i.

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.