PARJAMITA 5:10 - BIBEL JAMITA NA DENGGAN

¹⁰ Barang ise na impol rohana tu hepeng, nada tarpapuas dohot hepeng, jana barang ise na impol rohana tu sinadongan, nada tarpapuas dohot pandapotanna. On pe magopo do.

PARJAMITA 5:10 ပူးပေါင်းရင်းမြစ်များ

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 52:7

“Indi ma da halakna na so marpangondian tu Debata, tapi na sai mangasahon sinadonganna dohot hajahatanna.”

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

PARJAMITA 1:17

Jadi hupasada do rohangku laho mamboto parkotian ni parbinotoan dohot haotoan, antara ni habisuhon dohot na pamalo-malohon. Hape songon na manangkup angin sajo do au.

PARJAMITA 1:8

Sude do paloja roha jana nada tarhatahon loja ni roha i. Nada marnabutong matanta i manatap; pinggolta i nada marnapuas manangihon.

PARJAMITA 2:10

Sanga aha por ni rohangku, dapot au do i. Na so jungada huorom diringku laho mangkilalahon hasonangan dia pe. Dihagodangkon rohangku do sude na dapot sian na huhalojahon, jana i ma upangku.

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 3:19

Sanga na bia pe, sarupa do tutu jambar ni jolma dohot binatang. Na sada muli mate, na asing i pe songon i muse. Rap na ditompa do na dua i. Jadi nada maruntungan jolma sian binatang, angke magopo do ngolu i di na dua i.

PARJAMITA 4:16

Nada taretong bahat ni rayat na nipimpinnia, tapi muda mijur ia sian habangsa i, nada adong na mandok tarimakasi marningot na denggan na nibaennia. Tutu do, magopo do sudena songon karejo na manangkup angin.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 5:9

Jana ngolu ni raja pe marguru tu suha ni karejona do.

PARJAMITA 6:7

Karejo ni jolma i anso hum mangan do, hape nada jungada butong pangkilaannia.

MATEUS 6:19

“Ulang ma palagut arta hamu di portibi on. Harana anggo di portibi on adong do ngitngit dohot harat na manyegohon arta i. Dung i muse tarbungkar jana tartangko panangko do i.

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.