PARJAMITA 4:16 - BIBEL JAMITA NA DENGGAN

¹⁶ Nada taretong bahat ni rayat na nipimpinnia, tapi muda mijur ia sian habangsa i, nada adong na mandok tarimakasi marningot na denggan na nibaennia. Tutu do, magopo do sudena songon karejo na manangkup angin.

PARJAMITA 4:16 ပူးပေါင်းရင်းမြစ်များ

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

1 RAJA-RAJA 1:40

Dung i diudurkon halahi ma ia mulak mardongan surak-surak jana mamalu suling pola songon na humutur tano i hara ni riburna.

PARJAMITA 1:14

Madung huida sude na masa di tano on. Pos ma rohamu, magopo do sudena i, tarsongon karejo na manangkup angin.

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 2:17

Hara ni i, nada adong arti ni ngolu on di au, harana hum na parohon hasusaan do di au sude na masa di tano on, nada adong asing sian i. Sude do magopo; hum songon na manangkup angin sajo do.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 4:15

Hupikirkon salaho tu sude jolma na di tano on, gabe huboto ma na ingkon adong do sian tonga-tonga ni halahi sada doli-doli na giot manggontihon raja.