PARJAMITA 4:13 - BIBEL JAMITA NA DENGGAN

^13-14 Bolas do halak na pogos gabe raja, jana sada halak tahanan bisa do pinda tu ginjang ni habangsa. Tapi muda maototu do raja i manjagit sipaingot di umurna na tobang, gabe jumatjat dope jambarnia sian doli-doli na pogos tapi pistar.

PARJAMITA 4:13 ပူးပေါင်းရင်းမြစ်များ

PAMUNGKAAN 37:2

Jana on ma barita ni keluarga ni si Jakob: Doli-doli na marumur pitu bolas taon ma si Josep anak ni si Jakob. Dohot ma si Josep marmahani angka pahan-pahanan rap dohot angka angkangnia, tubu ni si Bilha dohot si Zilpa, rading ni amangnia. Sandok pangalaho ni angka angkangnia na so ture, dipaboa-boa ia do tu amang ni halahi i.

1 RAJA-RAJA 22:8

Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

PODA 19:1

Dumenggan do halak na pogos na denggan roha, ulang pado halak na oto na sai marbungkak.

PODA 28:6

Dumenggan do halak na pogos parroha na bulus umpado halak na kayo na sai tagi margabus.

PARJAMITA 4:12

Tartangkis do serangan muda mardalan dua halak sauduran, tapi halak na mamunjung sasahalak mura do ditaluhon. Tolu tali na dipuyu gabe sada, maol do gotapkonon.

PARJAMITA 7:19

Margunaan do habisuhon di nampunasa, umpado sampulu na markuaso di sada kota.