PARJAMITA 4:10 - BIBEL JAMITA NA DENGGAN

¹⁰ Muda tinggang na sada, tartolong na sada nari. Hape muda tinggang sada halak, hape sasada ia sajo do, marjaya ma ia, dibaen nada adong na tarbaen manolong ia.

PARJAMITA 4:10 ပူးပေါင်းရင်းမြစ်များ

PAMUNGKAAN 4:8

Jadi didok si Kain ma tu si Abel anggina i, “Beta jolo hita tu ladang.” Jadi di hatiha di ladang halahi dibalbal si Kain ma angginia i lalu dibunu ia.

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

2 SAMUEL 14:6

Adong do dua anakku halaklahi, jana di sada ari marbadai ma halahi. Jadi hara ni na so adong halak manyirang halahi, dibunu na sada ma na sahalak nari.

HARURUAR 32:21

Didok ia ma tu si Harun, “Aha do dibaen bangso on tu ho, umbaen na gabe diparo ho dosa na songon i godang tu halahi?”

PARJAMITA 4:11

Di borngin na ngali, marsipalasan do dua halak na modom palambung-lambung, tapi bia ma baenon ni halak palaskon pamatangna anggo sasadasa do?

PARJAMITA 4:9

Maruntungan do sidua halak sian na mamunjung. Muda markarejo halahi, dumenggan ma suhana.

GALATIA 6:1

Hamu ale angka dongan! Muda tardapot sanga ise mambaen dosa, angkon hamu na sai mangolu mangihutkon Tondi Parbadia i ma paulakkon halahi mangulahi tu dalan na sintong. Tapi angkon mardongan halambohon do hamu patupahon na songon i, jana jamot ma hamu anso ulang jabat hamu hona pandugaan muse.

1 TESSALONIKA 4:18

Antong marsipatoguan roha ma hamu, mardongan angka pandohan on.

1 TESSALONIKA 5:11

Hara ni i, marsipaingotan ma hamu jana marsipatoguan di haporsayaan, laing songon na nibaenmunu saonnari.

1 SAMUEL 23:16

Didapotkon si Jonatan ma ia tusi laho patoguhon haporsayaannia bahaso sai na ondihonon ni Debata do ia.