PARJAMITA 3:4 - BIBEL JAMITA NA DENGGAN

⁴ Adong do hatihana tangis dohot hatihana martata; hatihana mangandungi dohot hatihana manortor.

PARJAMITA 3:4 ပူးပေါင်းရင်းမြစ်များ

PAMUNGKAAN 21:6

Jana didok si Sara ma, “Ma martata au dibaen Debata hara ni jop ni roha. Sanga ise na umbege pangalaho on, gabe martata ma rap dohot au.”

2 SAMUEL 6:16

Dompak na maroban Poti i masuk ma tu bagasan kota i, manungkir ma si Mikal boru ni si Saul i sian jandela, diida ia ma Raja Daud marhujingjang dohot manortori laho pasangapkon Tuhan, jana gigi ma roha ni si Mikal mida si Daud.

MASMUR 30:11

Dipauba Ho hadangolanku gabe tortor siriaon digonti Ho hamarsahanku dohot hamogaon.

MASMUR 30:5

Angke hum santongkin sajo do muruk Tuhan, hadenggananNa do mardalan salolot iba di hangoluan. Saborngin sajo do au tangis, hape maroban hamogaan ma mataniari bincar.

HARURUAR 15:20

Dung i dibuat si Miryam, i ma sada panurirang, iboto ni si Harun ma rapanonia jana sude dadaboru rap mamalu rapano lalu manortor.

PARJAMITA 3:5

Adong do hatihana mangambungkon batu dohot hatihana papunguhon batu; hatihana marsihaolan dohot hatihana mangorom diri taringot tusi.

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

JESAYA 40:1

“Apoi, apoi hamu ma bangsongKi,” ninna Debatamunu, “Apoi, apoi hamu ma halahi!

JESAYA 40:2

Angkon apoanmunu do roha ni halak Jerusalem, dok tu halahi, na dung tuk pardangolan ni halahi. Madung Husesa angka dosa ni halahi, madung tuk uhuman na Hulehen i.”

MATEUS 11:17

‘Madung martulila hami di hamu, tapi nada ra hamu manortor! Madung mangandungi hami, hape nada ra tangis hamu!’

MATEUS 9:15

Dialusi Jesus ma, “Bia do ninna rohamunu? Adong ma he ninna rohamunu tamu na marsak hatiha pesta mangupa na marbagas, salolot rap dohot halahi bayo pangoli i? Tapi muda dung dapot hatihana dibuat bayo pangoli i sian halahi, baru pe anso puaso halahi.

LUKAS 1:58

Dibege angka hombar bagasnia i ma songon i dohot koum sisolkotnia, songon i ma hape dengganna roha ni Tuhan maradopkon si Elisabet, gabe dohot ma halahi sude marjop ni roha.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

2 KORINTUS 7:10

Angke anggo hamarsahan na tumbuk tu roha ni Debata do, parohon haubaan ni roha na paluahon do i. Jana nada manyosal halak sisongon i. Tapi anggo hamamarsak na sian tano on, arsak na mamatehon do i.

JAKOBUS 4:9

Angkon tutu ma hamu manyosal jana tangis dohot mangandungi; angkon gabe muba ma partatamunu gabe partangisan dohot hajojop ni rohamunu gabe hamarsahan!