PARJAMITA 3:3 - BIBEL JAMITA NA DENGGAN

³ Adong do hatihana mamunu dohot hatihana pamalumkon, manyego-nyego, dohot hatihana paturehon.

PARJAMITA 3:3 ပူးပေါင်းရင်းမြစ်များ

PAMUNGKAAN 9:6

Songon Debata do jolma i ditompa, jadi hara ni i sanga ise na mambuat hosa ni jolma, bunuon ni jolma muse ma ia.

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

JEREMIA 1:10

Ingot ma, sadari on Hulehen di ho kuaso maradopkon angka bangso dohot angka harajaon, kuaso mangarumpakkon dohot mangaroncohon, laho manunggalingkon dohot mangabiskon, laho pajongjongkon dohot manyuan.”

JEREMIA 31:28

Songon panjagoonKu sahonokna on di halahi, i ma na giot mambutbuti dohot mangarumpakkon, mangaroncohon jana pamatehon halahi, laing songon i ma panjagoonKu, patoguhon jana mambangun halahi mangulahi, songon i ma hata ni Tuhan.

JEREMIA 33:6

Tapi pasuangonKu do muse pangalaho ni kota on dohot halakna; margogo do halahi mangulahi. LehenonKu do tu halahi hasonangan dohot hadamean na sumurung.

JEREMIA 45:4

Ale Barukh! Au Tuhan na topet do Au mangarumpakkon na Hubangun i jana Huumpat na dung Husuan i. Tu sude portibi on do Hubaen songon i.

JEHESKIEL 13:14

Madung marniet Au laho mangarumpakkon tembok na nikapurmunu i, giot sarsarkononKu i lopus tinggal ojahanna i sajo. Dondonan ni tembok i ma hamu jana i noma mambaen mate hamu sudena. Jadi gabe botoonmunu ma bahaso Au do Tuhan.

HAGAI 1:2

“Songon on do hata ni Tuhan Na Markuaso i: Didok bangso on do, na so hatihana dope mangulahi mambangun bagasKu.”

HAGAI 1:4

“Ale bangsongKu biasi maringanan di bagasan bagas na tohong jana togu hamu, hape bagasKu sandiri laing tinggal sego-segona?”

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.

1 SAMUEL 2:6

Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.