PARJAMITA 3:20 - BIBEL JAMITA NA DENGGAN

²⁰ Manuju tu inganan na sarupa do halahi. Na marmula sian abu do halahi jana muli mulak tu abu.

PARJAMITA 3:20 ပူးပေါင်းရင်းမြစ်များ

PAMUNGKAAN 25:17

Marumur saratus tolu pulu pitu taon ma si Ismael di na marujung ngolunia.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

JOB 14:10

Hape mate jolma i, abis ma parsorionna; marujung ma ngolunia, gabe tu dia noma kehena?

JOB 14:14

Angke muda mate jolma i, tarbaensa ma he mangolu mangulahi? Sian ari tu ari au sai tarpainte lopus ari-ari hapaetanku solpu pate.

JOB 17:13

Hum tano hamatean noma da arop ni rohaniba, giot disi ma iba modom di na golap bulita.

JOB 30:24

Biasi ma ro Ho mangalo halak na marmara, na so mangeldok patupa sanga aha asing ni na mangido ibo ni roha?

JOB 34:15

tontu gabe mate ma sude mahluk na marhosa, jana gabe orbuk songon di mulana.

JOB 7:9

Songon ombun na mangholom, lalu kehe, jolma pe mate, nada ra mulak be. Sude halak na manandasa, lupa ma tusia jana nada be niingot ia.

MASMUR 103:14

Angke diboto Tuhan do asal mulanta, diingot Ia do hum abuan sajo do hita.

MASMUR 104:29

Muda manaili Ho tu pudi, mabiar be ma halahi; muda dibuat Ho hosana i, mago noma halahi mulak muse ma halahi, gabe orbuk songon di mulana i.

MASMUR 49:14

Ditontuhon hian do halahi mate songon biri-biri; hamatean i noma marmahan halahi. Manulus do halahi manuat tu kuburan jana maringanan di bagasan hamatean, manigor malangke ma pamatang ni halahi.

PARJAMITA 12:7

Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 3:21

Nada he taboto, na manaek do tondi ni jolma tu ginjang jana tondi ni binatang i mijur tu bagasan tano?

PARJAMITA 6:6

Jana dumengganan do i umpado halak na mangolu dua ribu taon, hape nada jungada marhamogaan. Nada he rap kehe tu inganan na sarupa do na dua i?

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

BILANGAN 27:13

Dung ditatap ho ale Musa, mate ma ho songon angkangmu si Harun,