PARJAMITA 3:12 - BIBEL JAMITA NA DENGGAN

¹² Huboto do, nada adong na dumenggan di hita sian na marjop ni roha dohot na mangkilalahon ngolu on salolot di ngolunta.

PARJAMITA 3:12 ပူးပေါင်းရင်းမြစ်များ

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

PARJAMITA 2:3

Hara ni pangonjar ni por ni rohangku anso gabe pistar, hupasada ma rohangku laho marsonang-sonang marhite na minum anggur dohot na marpesta-pesta. Ninna rohangku songon i ma dalanna na dumenggan di jolma laho mangkilala ngoluna na pendek i di tano on.

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

JESAYA 64:5

Lomo do rohaMu mida halak na jujur jana na mangolu mangihutkon hagiotMu. Muruk Ho tu hami, hape laing hami pupu mardosai tutu pardosa do hami tu Ho sian na robi.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

PANGARATAION 12:18

Hamu dohot angka dakdanakmunu, rap dohot angka naposomunu dohot angka halak Levi na maringanan di angka hutamunu, angkon di adopan ni Tuhan Debatamunu sajo panganonmunu angka haul i, i ma di inganan paribadatan na sada i na nitontuhon ni Tuhan Debatamunu. Jana angkon marjop ni roha do hamu di inganan i hara ni sude usahomunu.

PANGARATAION 12:7

Laing di inganan i muse, di adopan ni Tuhan Debatamunu na dung mamasumasu hamu, hamu rap dohot dongan sabagasmunu, disi ma mangan mandai rasoki sian pandapotan ni karejomunu.

PANGARATAION 26:11

Dokkon ma tarimakasi hara ni sude rasoki na nilehen ni Tuhan Debatamu di ho dohot di dongan sabagasmu. Laing piohon ma halak Levi dohot halak sileban na maringanan di tonga-tongamunu anso dohot di pesta i.

PANGARATAION 28:63

Songon jop ni roha ni Tuhan mangalehen hadumaon di ho dohot patamba bilanganmunu, laing songon i muse ma sonang ni rohaNia mangabisi ho dohot maroban hasesego tu ho. UmpatonNa ho sian tano i, na so sadia lolot nari be lehenonNa baen ingananmunu.

1 TIMOTEUS 6:18

Paingot ma halahi laho patuduhon hadengganan, laho patupahon bahat pangalaho na denggan, habasaon dohot haburjuon mangalehen.