PARJAMITA 3:11 - BIBEL JAMITA NA DENGGAN

¹¹ Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

PARJAMITA 3:11 ပူးပေါင်းရင်းမြစ်များ

PAMUNGKAAN 1:31

Ditatap Debata ma sude na nitompaNia i jana sun ma dengganna sudena i diida Ia. Salpu ma borngin jana torang ma ari – i ma ari paonomkon.

JOB 11:7

Bia ma he pandodomu di bako ni Debata? Tardodo ho ma he gogo ni kuasoNa?

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

JOB 5:9

Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

PODA 16:4

Dibaen Tuhan do sude hombar tu tujuanna; jana hamagoan do ujung ni parjahat.

PARJAMITA 1:13

Hupasada do rohangku laho manangkasi dohot marsiajari sude na masa di tano on. Sun do dangolna jambar na dilehen ni Debata tu hita.

PARJAMITA 11:5

Dibaen Debata do sasudena, jana nada tarbaen jolma mangastuisa. Partumbur ni ngolu na imbaru nada diboto jolma di bagasan bortian ni sada ina.

PARJAMITA 7:13

Parrohahon ma parkarejoan ni Debata. Harana ise ma he na tarbaen patigorkon sanga aha na nipageldok ni Debata?

PARJAMITA 7:23

Huuji do sudena i dohot habisuhonku. Hape mur hujalahi bisuk i, mur dao do i sian au.

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

PARJAMITA 8:17

nada malo hita mangastui karejo ni Debata. Sanga na bia pe tabaen, nada mungkin hita mangastuisa. Dioku halak na pistar do na ummalo ia, tapi anggo na satutuna nada diboto ia.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MARKUS 7:37

Sude halak na mambege carito i gabe homang-homang. Ninna halahi ma, “Na hebat ma sude na nibaenNia i! Tarbaen Ia marbinege na maingol, na haldang gabe mangkobari!”

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

PANGARATAION 32:4

Tuhan ma da na mangondihon ho gumogo, sude dalanNa tigor jana sanggam do. Setia do Debatamu jana ias rohaNa, na denggan dohot na patut do dibaen Ia.