PARJAMITA 2:8 - BIBEL JAMITA NA DENGGAN

⁸ Hupalagut do perak dohot sere na dapot au sian angka raja dohot angka luat. Dipasonang angka parende halaklahi dohot dadaboru do rohangku marhite angka ende ni halahi. Adong muse do di au angka boru sipakeonku sanga sadia bahat por ni rohangku.

PARJAMITA 2:8 ပူးပေါင်းရင်းမြစ်များ

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

1 RAJA-RAJA 10:10

Dung i dipasahat ratu na sian Seba i ma angka silua na niobanna i tu si Salomo, lobi opat ribu kilogram sere dohot batu intan bahat songon i dohot angka parmasak. Dung i nada jungada be dijagit si Salomo parmasak songon bahat ni na nilehen ni ratu na sian Seba i tusia. (

1 RAJA-RAJA 10:14

Ganop taon manjagit sere do Raja Salomo mardonok tu dua pulu tolu ribu kilogram,

1 RAJA-RAJA 10:21

Sude panjamaan panginuman ni si Salomo, na nibaen sian sere do sude. Jana sandok parkokas na di Bale Tombak Libanon pe, na nibaen sian sere na polin do sude. Nada adong barang na sian perak, harana di hatiha ni si Salomo nada mararga anggo perak.

1 RAJA-RAJA 11:3

Adong do pitu ratus halak boru ni raja na nibuat ni si Salomo jana adong do tolu ratus halak radingnia. Angka boru na nibuatnia i ma mambaen si Salomo manadingkon Debata,

1 RAJA-RAJA 14:27

Jadi laho manggontisa dibaen Raja Rehabeam ma angka parince sian tumbaga jana dipasahat ia ma tu angka perwira na martugas mangawal horbangan ni bagas godang ni raja i.

1 RAJA-RAJA 9:14

Lobi dope sian opat ribu kilogram sere na nitongos ni si Hiram tu si Salomo.

1 RAJA-RAJA 9:28

Kehe ma halahi marlayar tu Ofir, dioban halahi ma sian i opat bolas ribu kilogram sere di si Salomo.

1 JUJUR TAON 25:1

Laho mamimpin angka pardalan ni ibadat, dipili si Daud rap dohot angka pamimpin ni halak Levi ma sian angka horong ni halak Levi: Si Asap, si Heman dohot si Jedutun. Palalu angka tona na sian Debata ma tugas ni halahi, mardongan sora ni musik hasapi, gambus dohot simbal. Angka na mamimpin ibadat rap dohot sude pardalan na jojor mangihutkon rombonganna, dipili ma angka halak na nipajojor di toru on:

1 JUJUR TAON 25:6

Sudena anak ni si Heman i parmusik simbal do, parhasapi dohot pargambus, na nipimpin ni amang ni halahi laho mangihutkon upacara ni ibadat di Bagas Ni Debata. Dijagit si Asap, si Jedutun dohot si Heman do sian raja mardomu tu karejo nasida.

2 JUJUR TAON 9:11

Dipake si Salomo ma hayu i laho mambaen tangga ni Bagas Ni Tuhan dohot bagas godangnia, songon i muse mambaen hasapi dohot gambus di angka parmusik. Nada jungada dope adong na songon i di tano Juda.)

PARJAMITA 1:2

Didok Parhapistaran i do: Magopo do sasudena jana nada marguna! Parcuma do ngolu i, nada adong artina sudena.

DANIEL 3:15

Saonnari, ra dehe hamu manungkap dohot marsomba tu patung i muda mangkuling sora ni sarune; suling; hasapi; arbab; sordam; gambus dohot angka uning-uningan na marragam i? Muda nada ra hamu, manigor do ambungkonon hamu tu purunan api na gara-gara. Jana debata dia dope na margogo paluahon hamu sian kuasongku?”

DANIEL 3:5

Muda mangkuling sarune, ihut muse sora ni suling, hasapi, arbap, gambus, sordam dohot sora ni uning-uningan, angkon tungkap ma hamu marsomba tu patung sere na nipajongjong ni Raja Nebukadnesar on.

DANIEL 3:7

Jadi disi tarbege sora ni angka sarune dipalu, manungkap be ma sandok bangso, marga ni bangso dohot hata na marragam-ragam jana marsomba tu patung sere na dipajongjong ni Raja Nebukadnesar i.

AMOS 6:5

Giotmunu ma nian mangkarang-karang ende, songon na nibaen ni si Daud, jana diendehon hamu ma ende i dohot hasapi.