PARJAMITA 2:7 - BIBEL JAMITA NA DENGGAN

⁷ Bahat do parkarejongku, na hutobusi bope na sorang di bagasku. Dao do umbahat pahan-pahananku sian pahan-pahanan ni sanga ise pe na jungada maringanan di Jerusalem.

PARJAMITA 2:7 ပူးပေါင်းရင်းမြစ်များ

PAMUNGKAAN 13:2

Kayo situtu do si Abram, adong do biri-birinia, hambeng, lombu songon i muse perak dohot sere.

PAMUNGKAAN 14:14

Dung tarboto tu si Abram na dung tartangkup anak ni angginia i, dipalagut ia ma sude jolma na adong di bandarnia i, i ma angka na malo marporang 318 halak bahatna, dikojar halahi ma raja si opat halak i lopus tu Dan.

PAMUNGKAAN 15:3

So na adong anak dilehen Ho di iba, gabe sahalak sian hatoban i ma na manean sinadonganki.”

1 RAJA-RAJA 4:23

sampulu lombu na momok, dua pulu lombu na sian padang dohot saratus biri-biri. Asing sian i ursa, hije, bedu dohot unggas.

2 RAJA-RAJA 3:4

Jadi adong do parmahanan ni biri-biri ni si Mesa raja ni Moab. Ganop taon, sai dilehen ia do anak ni biri-biri 100.000 dohot imbulu ni 100.000 biri-biri jantan songon pajakna tu raja ni Israel.

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

ESRA 2:55

Angka horong ni pangoloi ni si Salomo na mulak sian habuangan: Sotai, Soferet, Peruda, Jaala, Darkon, Gidel, Sefaca, Hatil, Pokheret - Hasebaim dohot Ami.

ESRA 2:58

Angka horong ni angka parkarejo di Bagas Ni Tuhan dohot angka pangoloi ni si Salomo na mulak sian habuangan, bahatna 392 halak.

NEHEMIA 7:57

Angka ripe sian pangoloi ni si Salomo na mulak sian habuangan: Sotai, Soferet, Perida, Jaala, Darkon, Gidel, Sefaca, Hatil, Pokeret, Hasabaim, Amon.

JOB 1:3

Tamba ni i bahat do angka naposonia, pitu ribu biri-birinia, unto tolu ribu, lombu saribu dohot halode lima ratus. Pendek hata dohonon, ia ma na kumayo sian sude halak na maringanan di Luat Habincaran.

JOB 42:12

Dipasupasu Tuhan ma si Job, maradu marlobi-lobi di angka ngolunia na tinggal i, lumobi sian dompak so masa sitaononnia i. Adong do opat bolas ribu bahatna hambeng biri-biri ni si Job, onom ribu untonia, dua ribu lombu dohot saribu halode.

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.