PARJAMITA 2:4 - BIBEL JAMITA NA DENGGAN

^4-5 Angke parkarejoan na godang pe madung hukarejohon. Hupajongjong angka bagas di au. Hubaen angka porlak dohot angka kobun na husuani dohot anggur dohot sude ragam ni bona ni suan-suanan.

PARJAMITA 2:4 ပူးပေါင်းရင်းမြစ်များ

PAMUNGKAAN 11:4

Didok halahi ma, “Tabaen ma sada kota dohot sada tugu lopus tu langit puncutna, anso tarbonggal goarta sandiri jana anso ulang marserak hita di tano on.”

2 SAMUEL 18:18

Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

1 RAJA-RAJA 15:19

“Tabaen ma parale-aleonta songon na nibaen ni damang dohot natorasmu. Rap dohot on hutongos do sere dohot perak baen silua, jana husosohon tu tuan i anso gotapkon hubunganmu sian si Baesa raja ni Israel i anso ditarik ia tentarania sian luatku.”

1 RAJA-RAJA 9:1

Dung sidung dipajongjong si Salomo Bagas Ni Debata dohot bagas godang ni raja i dohot sude na nisangkaphonNia,

2 JUJUR TAON 26:10

Laing dipajongjong ia muse ma angka palas-palas na marbenteng di luat padang-padang jana dihuar ia bahat sumur hara ni bahatna pahan-pahanannia di angka partoran na hornop bope di tano napa na toruk na di sabola Hasundutan. Dibaen tartarik do rohania tu partanian, dianjurkon ia do tu rayat i anso manyuan anggur di angka luat na mardolok dohot manggarap luat na napu.

2 JUJUR TAON 8:11

Dipapinda si Salomo ma dadaborunia, boru ni raja Mesir i sian Kota Ni si Daud tu bagas na dipajongjong disia. Didok si Salomo do, “Nada tola tinggal dadaborungku di bagasan bagas godang ni si Daud, raja ni Israel i, harana sude inganan na dung jungada hapayahan ni Poti Parjanjian i, inganan na badia do i.”

MASMUR 49:11

Maringanan di kuburan noma halahi salolotna; disi noma halahi mian sapanjang manyahena, haru pe dompak di ngoluna, bahat ladang nampunana.

ENDE NA GODANG 1:14

Songon saturpuk bunga pancur do haholonganku di kobun anggur na di En-Gedi ia jagar.

ENDE NA GODANG 7:12

Ngot ma hita di andostorang, paresoonta ma kobun anggur, betak na dung adong tunasna martumbur jana masarsar bungana. Betak na dung marbunga do dalimo, disi ma holong ni rohangku hulehen tu ho.

JESAYA 5:1

Tangihon bo marende au salaho tu kobun anggur ni donganku. Adong do kobun anggur ni donganku di gincat ni tor na napu.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”