PARJAMITA 2:22 - BIBEL JAMITA NA DENGGAN

²² Marsitutu do markarejo jolma i salolot mangolu jana marsusa-susa; jadi dia ma suha ni halolojana i na tarhagodangkonsa?

PARJAMITA 2:22 ပူးပေါင်းရင်းမြစ်များ

MASMUR 127:2

Parcuma sajo do halolojamunu manjalahi balanjo, sogot dope ari ngot jana manonga borngin kehe modom; angke dilehen Ia do rasoki tu na nihaholonganNia, dompak modom be halahi.

PODA 16:26

Paniak ni butuha do mamaksa anso laho karejo, angke giot pabutongonna do butuhana.

PARJAMITA 1:3

Markarejo hita salolot mangolu, maradu hodohan. Hape dia ma suhana na tarhagodangkon hita?

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 3:9

Aha ma he guna ni sude halolojanta?

PARJAMITA 4:6

Aropku tutu do i, tapi gumonan do sinadongan na so sadia mardongan hasonangan umpado karejo marsitutu mamake dua tangan jana manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 5:17

Di bagasan hagolapan, hasusaan, arsak ni roha, hamuruhon dohot parkancitan do hita salolot mangolu.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

MATEUS 6:11

Lehen ma di hami panganonnami na porlu sadari on,

MATEUS 6:25

Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

MATEUS 6:34

Hara ni i ulang pola lomos rohamunu taringot tu ancogot, angke disarihon ari ancogot i do na hasaya disia. Marsiporsan hasusaanna be do angka ari i.”

LUKAS 12:22

Dung i didok Jesus ma tu angka siseanNia, “I do umbaen na Hudok, ‘Ulang humolos rohamunu hara ni angka parngoluonmunu, i ma taringot tu sanga aha na giot panganonmunu annon, sanga aha na giot pakeonmunu annon.’

LUKAS 12:29

Antong hara ni i, ulang ganggu rohamunu taringot tu sipanganon sanga siinumonmunu; ulang ma humolos rohamunu taringot tusi. (

1 KORINTUS 16:16

Situtu ni rohangku manyosoi hamu, ihutkon hamu ma pamimpin na songon ia i, bope angka dongan na asing na markarejo dohot mangoloi rap dohot halahi.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

1 TIMOTEUS 6:8

Jadi muda adong sipanganon dohot sipakeon, sai pe tuk ma i.

1 PETRUS 5:7

Pasahat hamu ma sudena holos ni rohamunu tu Debata, angke diparrohahon Ia do hamu.