PARJAMITA 2:16 - BIBEL JAMITA NA DENGGAN

¹⁶ Halak na oto manigor dihalupahon, tapi halak na maruli habisuhon pe, nada ingoton. Lolot-lolot muli mago do hita sudena sian parningotan. Angkon mate do hita sudena, halak na pistar bope halak na oto.

PARJAMITA 2:16 ပူးပေါင်းရင်းမြစ်များ

2 SAMUEL 3:33

Dung i ditangisi si Daud ma si Abner, ning ia ma,

MASMUR 103:16

muda diombus alogo, manigor mago ma ia, nada adong be marnidasa mangulaki.

MASMUR 49:10

Sanga ise pe tarbaensa do mangaligi, halak na marroha pe laing mate do. Halak na bodo dohot na oto laing rap abis, jana manadingkon sinadonganna di halak na asing.

MASMUR 88:12

Adong ma he na marnida hahomangan na nibaenMi, di hagolapan, sanga hadenggananMi di luat ni halak na di halupahon?

HARURUAR 1:6

Dung i mate ma si Josep, bope kahanggina dohot halak na satorbang dohot ia.

HARURUAR 1:8

Dung i adong ma sada halak na baru bangkit raja, mangarajai di Mesir, na so mananda si Josep.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PARJAMITA 1:11

Nada diingot jolma na masa di hatiha na salpu. Laing songon i muse ma na masa saonnari dohot sanoli on, indangkon na ingoton ni halak i di hatiha na giot ro.

PARJAMITA 2:14

Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

PARJAMITA 2:15

Ninna rohangku di bagasan, “Laing bolusonku muse do jambar na ro tu halak na oto. Antong, aha do guna ni sude habisuhonki? Jadi gabe hubaen ma hapateanna paboa na so adong do sanga na aha guna ni i sudena.”

PARJAMITA 6:8

Antong, aha ma hauntungan ni halak na pistar sian sada halak na oto? Aha muse ma gunana diboto halak na pogos carana laho mangadopi ngolu on?

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

PARJAMITA 8:10

Jungada do huida mate halak na jahat lalu dikuburkon. Tapi di na mulak au sian kuburan, hubege ma ia dipapuji-puji angka halak na di kota inganannia mambaen hajahatan i. Jadi, i pe magopo do.

PARJAMITA 9:15

Adong do sada halak na marbisuk di kota i. Jadi gabe malua ma kota i dibaen ia. Tapi hara ni na pogos ia, manigor dihalupahon ma pambaenannia i jana umpe sahalak na marningot ia.

PARJAMITA 9:5

Palamani, diboto jolma na mangolu na inte do hamatean disia, hape anggo na mate nada dibotosa bagi aha. Nada adong disia upa sanga pamaloson, jana goarnia pe ma pola dihalupahon.

MALEAKI 3:16

Jadi marsipandohonan ma angka halak na manghabiari Tuhan i na sada tu donganna. Dibege jana diparrohahon Tuhan do sanga aha na nihataan ni halahi i. Disuratkon do angka goar-goar ni na pasangapkon Tuhan dohot na mabiar mida Ia, di bagasan sada buku panyuratan na adong di joloNia.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.