PARJAMITA 2:14 - BIBEL JAMITA NA DENGGAN

¹⁴ Diida halak na pistar do dalan na nitujuna; halak na oto songon na mardalan di na golap.’ Tapi laing huboto muse do na sarupa do jambar na mandondoni halahi sudena.

PARJAMITA 2:14 ပူးပေါင်းရင်းမြစ်များ

MASMUR 19:10

Ummarga sian sere na polin do Tona Ni Tuhan tumonggi do i sian manisan.

MASMUR 49:10

Sanga ise pe tarbaensa do mangaligi, halak na marroha pe laing mate do. Halak na bodo dohot na oto laing rap abis, jana manadingkon sinadonganna di halak na asing.

MASMUR 49:11

Maringanan di kuburan noma halahi salolotna; disi noma halahi mian sapanjang manyahena, haru pe dompak di ngoluna, bahat ladang nampunana.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 17:24

Adop habisuhon do hagiot ni na pistar, tapi rarat do pangaligi ni na oto.

PARJAMITA 2:16

Halak na oto manigor dihalupahon, tapi halak na maruli habisuhon pe, nada ingoton. Lolot-lolot muli mago do hita sudena sian parningotan. Angkon mate do hita sudena, halak na pistar bope halak na oto.

PARJAMITA 3:19

Sanga na bia pe, sarupa do tutu jambar ni jolma dohot binatang. Na sada muli mate, na asing i pe songon i muse. Rap na ditompa do na dua i. Jadi nada maruntungan jolma sian binatang, angke magopo do ngolu i di na dua i.

PARJAMITA 6:6

Jana dumengganan do i umpado halak na mangolu dua ribu taon, hape nada jungada marhamogaan. Nada he rap kehe tu inganan na sarupa do na dua i?

PARJAMITA 6:8

Antong, aha ma hauntungan ni halak na pistar sian sada halak na oto? Aha muse ma gunana diboto halak na pogos carana laho mangadopi ngolu on?

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

PARJAMITA 8:1

Tabona i antong halak na marbisuk. Diboto ia do alus ni sude parkaro. Mikim do ia marjop ni roha pambaen ni bisuk i, gabe mago ma sian bohina na markeruti.

PARJAMITA 9:11

Adong dope na huida di tano on: Nada sai tongtong parlojong na hipas manghamonangkon parsiaduan, nada sai tongtong halak na gogo manghamonangkon paraloan. Nada sai tongtong halak na marroha dapotan pangomoan. Jana halak na pistar nada sai tongtong dapotan sinadongan. Songon i angka na malo nada sai tongtong tarbonggal. Angke sanga na ise pe bolas jadi do hona bagian sial.

PARJAMITA 9:16

Jadi gabe tutu ma pandapotki bahaso na disalpui habisuhon do kuaso. Haru songon i pe, nada diargahon anggo bisuk ni halak na pogos. Angka hata na nidoknia nada siparrohahonon sudena i.

1 JOHANNES 2:11

Tapi halak na margoyak ni roha mida donganna, laing na di hagolapan dope i. Na mardalan di bagasan hagolapan dope i jana na so diboto ia do sanga na giot tu dia ia kehe, angke nada marnida ia dibaen hagolapan i.