PARJAMITA 2:13 - BIBEL JAMITA NA DENGGAN

¹³ Nian, huboto do, ‘Dumenggan do habisuhon sian haotoon, songon na torang dumenggan sian na golap.

PARJAMITA 2:13 ပူးပေါင်းရင်းမြစ်များ

MASMUR 119:105

HataMi do sulu-sulu di langkangku, jana sinondang na manorangi dalanku.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

PODA 14:8

Halak na marroha, denggan do tindakanna, angke dibotosa do sanga aha sibaenonna. Halak na oto, tindakanna pe oto do harana na paula-ula do ia mamoto.

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PARJAMITA 10:10

Muda majal gupakmu jana nada digarut ho, angkon mur loja ho markarejo. Pake ma torang pikiranmu, jana jolo baen ma sangkapmu.

PARJAMITA 11:7

Sinondang ni mataniari pajop roha; tabona i hape muda tarpargunahon iba.

PARJAMITA 7:19

Margunaan do habisuhon di nampunasa, umpado sampulu na markuaso di sada kota.

PARJAMITA 9:16

Jadi gabe tutu ma pandapotki bahaso na disalpui habisuhon do kuaso. Haru songon i pe, nada diargahon anggo bisuk ni halak na pogos. Angka hata na nidoknia nada siparrohahonon sudena i.

PARJAMITA 9:18

Margunaan do bisuk sian sinjata, tapi hara ni asom na saotik sego ma susu sabalanga.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MATEUS 6:23

Tapi muda rambon do matamu, gabe golap sajo ma sude pamatangmu. Jadi muda golap do torang na di bagasan dirimi, golap gulita noma i.”

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.