PARJAMITA 2:10 - BIBEL JAMITA NA DENGGAN

¹⁰ Sanga aha por ni rohangku, dapot au do i. Na so jungada huorom diringku laho mangkilalahon hasonangan dia pe. Dihagodangkon rohangku do sude na dapot sian na huhalojahon, jana i ma upangku.

PARJAMITA 2:10 ပူးပေါင်းရင်းမြစ်များ

PAMUNGKAAN 3:6

Jeges ma antong hayu i diida dadaboru i, dohot tabona pe batuna i panganon jana marpikir ma ia, sonangna i antong muda gabe bisuk iba. Jadi gabe diputikkon ia ma batu ni hayu i lalu dipangan ia. Dilehen ia muse ma deba di halaklahinia i jadi dipangan halaklahinia i muse ma i.

PAMUNGKAAN 6:2

diligi angka “anak ni Debata” ma bahaso na jeges do angka anak boru i. Gabe dibuat halahi ma anak boru por ni roha ni halahi be.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

MASMUR 119:37

Jagohon ma au ulang sai huparayak na so porlu, lehen ma di au ngolu mangihutkon hagiotMu.

MASMUR 128:2

Panganonmu noma suha ni karejomu makmur jana sonang ngolumu.

PODA 23:5

Harana di bagasan sangombas sajo pe bolas do mago sinadonganmi, songon na marhabong ia jana habang tu langit songon unggas rajawali.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 2:1

Huputuskon ma di bagasan roha, giot pasonangkon rohangku sandiri jana mangkilalahon sanga songon dia hasonangan i. Hape laing tong do nada marguna.

PARJAMITA 2:22

Marsitutu do markarejo jolma i salolot mangolu jana marsusa-susa; jadi dia ma suha ni halolojana i na tarhagodangkonsa?

PARJAMITA 2:24

Nada adong be na dumenggan di jolma sian na mangan, minum dohot na mangkilalahon parkarejoan dohot suha ni karejona. Hupangkilalahon do sudena i, silehen-lehen ni Debata do.

PARJAMITA 3:22

Jadi hara ni i huboto ma na so adong do na dumenggan di jolma sian mangkilalahon parkarejoanna dohot suha ni karejona. Lobi sian i nada adong na tarkarejohonsa. Nada botoonnia sanga aha na giot masa dung mate ia.

PARJAMITA 5:10

Barang ise na impol rohana tu hepeng, nada tarpapuas dohot hepeng, jana barang ise na impol rohana tu sinadongan, nada tarpapuas dohot pandapotanna. On pe magopo do.

PARJAMITA 5:17

Di bagasan hagolapan, hasusaan, arsak ni roha, hamuruhon dohot parkancitan do hita salolot mangolu.

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

PARJAMITA 6:2

Huhul dilehen Debata hamoraon, hasangapan dohot sinadongan tu sada-sada halak, jabat nada adong be por ni rohania. Hape nada dipaloas Debata ia mandai sude na nilehenNa i. Sabalikna do, halak na asing do na mangarasoi dai ni hamoraan i. Jadi magopo do sudena i jana nada tigor.

PARJAMITA 6:9

Magopo do sudena i songon karejo na manangkup alogo. Gumonan do hita puas marhite na adong di hita ulang pado marpor ni roha anso umbahat dope.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

PARJAMITA 9:6

Holong ni roha, hagigian maradu hagiotnia mate do sudena i rap dohot ia. Nada be maruli ia di bagi aha di bagasan sude na masa di portibi on.

PARJAMITA 9:9

Pangkilalahon ma tabo ni ngolu rap dohot dongan saripemu salolot di ngolumu na magopo i, na nilehen ni Debata di ho di tano on. Angke hum i sajo do upa ni halolojamu.

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.

HAKIM-HAKIM 14:2

Dung i mulak ma ia jana didok ia ma tu amang dohot inangnia, “Por rohangku mida sada bujing-bujing boru Pilistin di Timna. Pangidoanku kehe ma amang dohot inang manyapaisa di au.”