PARJAMITA 2:1 - BIBEL JAMITA NA DENGGAN

¹ Huputuskon ma di bagasan roha, giot pasonangkon rohangku sandiri jana mangkilalahon sanga songon dia hasonangan i. Hape laing tong do nada marguna.

PARJAMITA 2:1 ပူးပေါင်းရင်းမြစ်များ

PAMUNGKAAN 11:7

Dumenggan ma mijur Hita jana Tapasarsar ma hata ni halahi anso ulang be marsiastuan hata ni halahi be.”

2 RAJA-RAJA 5:5

Jadi didok raja i ma, “Denggan, kehe ma ho manopot raja ni Israel. Hubaen pe surat tusia.” Jadi kehe ma si Naaman, dioban ia ma tolu pulu ribu hepeng perak, onom ribu hepeng sere, dohot pakean na jeges-jeges sampulu pasang.

MASMUR 10:6

Ning rohania di bagasan, “Karejongku nada adong sundatna, nada hona mara salolotna.”

MASMUR 14:1

Didok halak na oto di bagasan rohana, “Nada adong Debata.” Karejo ni halahi hodar jana hagigian nada adong na mambaen hadengganan.

MASMUR 27:8

Ho mandok, “Ro marsomba tu Au.” Hualusi do, “Ale Tuhan, manigor ro pe au.”

PODA 14:13

Di balik ni partataan betak adong do partangisan; sai intean do arsak muda dung sidung hamogaan.

PARJAMITA 11:9

Hamu angka na poso, marjop ni roha ma hamu di haposoonmu. Marsonang-sonang ma hamu dompak poso. Baen ma giotmu, jana patulus ma giot ni rohamu. Tapi ingot ma, angkon uhumon ni Debata do muse sude na nibaenmu.

PARJAMITA 2:10

Sanga aha por ni rohangku, dapot au do i. Na so jungada huorom diringku laho mangkilalahon hasonangan dia pe. Dihagodangkon rohangku do sude na dapot sian na huhalojahon, jana i ma upangku.

PARJAMITA 2:15

Ninna rohangku di bagasan, “Laing bolusonku muse do jambar na ro tu halak na oto. Antong, aha do guna ni sude habisuhonki? Jadi gabe hubaen ma hapateanna paboa na so adong do sanga na aha guna ni i sudena.”

PARJAMITA 2:25

Ise ma he na tarbaen mangan dohot marsonang-sonang so dohot Debata?

PARJAMITA 7:4

Sai torus do halak na oto mangkojar hasonangan. Halak na pistar sai mamikirkon hamatean.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

JESAYA 5:5

Antong, songon on noma baenonKu kobun anggurKi: AngkatonKu noma handang na humaliang kobun i, tembok na manjagohon kobun i pe rumpakkononKu noma i, padiaronKu ma angka binatang riar manjampali i lalu mandege-degesa.

JESAYA 50:11

Satutuna, sude hamu na pagara api jana mamasang pana-pana api, masuk ma hamu tu bagasan ngorngor ni apimu, dohot tu tonga-tonga ni pana api na nipasangmunu i! Hara ni tanganKu do tarjadi sudena i: Marpayakan ma hamu di inganan paruhuman i.

JESAYA 50:5

Madung dibuka Tuhan Debata pinggolku, jana nada mangalo au, nada marbalik tu pudi.

LUKAS 12:19

Dung sidung i hudok ma tu rohangku sandiri: Na maruntung ma da ho! Madung bahat angka na denggan disimpan ho; madung tuk i martaon-taon. Nada pola bahat be sipikiranmu! Aha dope, mangan minum ma ho marsonang-sonang!’

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

LUKAS 16:23

Mardangol situtu ma ia di inganan ni angka na mate i. Jadi di na manatap ia tu ginjang, diida ia ma si Abraham di sihadaoan, jana di lambung ni si Abraham ma si Lasarus.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

JAKOBUS 4:13

Hamu angka dongan na mandok, “Sadari on sanga ancogot na giot kehe do hami tu kota adu i jana disi ma hami maringanan sataon honokna anso marjagal jana manjalahi hepeng disi,

JAKOBUS 5:1

Hamu angka halak na mora! Tangihon hamu ma sipaingotkon. Tangis ma hamu jana mangandungi, harana manaon parkancitan ma hamu!

JAKOBUS 5:5

Marlobi-lobi do ngolumunu di tano on jana didai hamu na sonang. Tarsongon na pamokmok-mokmokkon diri do hamu laho sambolon.