PARJAMITA 12:7 - BIBEL JAMITA NA DENGGAN

⁷ Mulak ma pamatangta, gabe abuan di tano. Mulak hosa hangoluanta tu Debata. Na nilehenNia do songon basa-basa.

PARJAMITA 12:7 ပူးပေါင်းရင်းမြစ်များ

PAMUNGKAAN 18:27

Dialusi si Abraham ma, “Mangido ampun ma au dibaen mabarani tu do au mangkatai dohot Tuhan haru pe hum jolma sajo iba na so tola nian mandok bagi aha.

PAMUNGKAAN 2:7

Dung i dibuat Tuhan Debata ma saotik tano i, jana dibaen Ia ma sada jolma sian tano i; jadi diombuskon Ia ma hosa hangoluan tu lubang ni igung ni jolma i, gabe mangolu ma jolma i.

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

JOB 20:11

Haru pe poso ia jana tohong margogo, hape santongkin nari gabe hum abuan ni tano.

JOB 7:21

Na so tarampuni Ho be he dosangku? Na so tarbaen sesaonMu be lakna salangku? Santongkin nari mambustang noma da au di kuburan, jana muda dijalahi Ho au, nada adong be sidumpangan.”

MASMUR 103:14

Angke diboto Tuhan do asal mulanta, diingot Ia do hum abuan sajo do hita.

MASMUR 104:29

Muda manaili Ho tu pudi, mabiar be ma halahi; muda dibuat Ho hosana i, mago noma halahi mulak muse ma halahi, gabe orbuk songon di mulana i.

MASMUR 146:4

Muda mate halahi, mulak be do halahi tu tano, laing di na sadari i sisoada ma sude sangkap na nibaenna.

MASMUR 31:6

Goyak do rohaMu mida halak na marsomba tu gana-ganaan, tu Tuhan do au porsaya.

MASMUR 90:3

Disuru Ho do mulak jolma tu asalna, gabe abu songon di mulana.

JESAYA 57:16

Angke nada salolotna Au giot mamorso, jana nada giot salolotna Au muruk, anso ulang gabe gale halahi di jolongKu, hape Au do na mambaen hosa hangoluan.

JEREMIA 38:16

Marjanji ma Raja Zedekia tu au sip-sip, ning ia ma, “Mangasahon Debata Na Mangolu i, Debata na mangalehen ngolu di hita, husumpahon ma na so dabuhononku uhuman mamatehon ho sanga pasahatkon ho tu angka jolma na giot mamunu ho.”

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

ZAKARIA 12:1

On ma tona ni Tuhan taringot tu Israel, i ma Tuhan na pahembang langit, na manompa portibi jana na mangalehen ngolu tu jolma, didok Ia ma,

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 27:16

“O Tuhan Debata na mangalehen hangoluan tu sude na mangolu, hupangido, patidahon ma sada halak na tarbaen manguluhon bangso on.

LUKAS 23:46

Dung i marsurak ma Jesus gogo, “Ale Amang! Tu bagasan tanganMu ma Hupasahat tondingKu!” Dung didok Ia songon i marujung ma ngoluNia.

BAENON NI ANGKA RASUL 7:59

Di na nidangguran ni halahi si Stefanus, pio-pio ma ia ning ia ma, “Ale Tuhan Jesus, jagit ma tondingku!”

IBRANI 12:23

Sada parsuoan godang do na niadopanmunu – parsuoan ni angka anak siangkaan ni Debata na dung disuratkon goarna di banua ginjang. Debata do na niadopanmunu, Panguhum ni sude jolma manusia. Adopanmunu do angka tondi ni halak na burju na dung dipasanggam.

IBRANI 12:9

Di tano on, adong do amanta. Diajari amanta be do hita, jana tapasangap do amanta. Antong mur ma hape maradopkon Amanta na di banua ginjang i, tontu angkon mur umoloan ma hita tuSia anso mangolu hita.