PARJAMITA 12:5 - BIBEL JAMITA NA DENGGAN

⁵ Mabiar ma ho tu inganan na gincat jana mardalan ho angkon jamot-jamot. Obukmu pe maruba jana saratonmu patmu muda mardalan. Gabe mago ma sude hagiot dohot por ni roha. Na parayak tu ingananta na parpudi noma hita, marsiluluton ma angka jolma jana mangandungi sapanjang dalan.

PARJAMITA 12:5 ပူးပေါင်းရင်းမြစ်များ

PAMUNGKAAN 42:38

Tapi didok si Jakob ma, “Nada! Na so tola si Benyamin kehe rap dohot hamu; ma mate angkangnia i, hape saonnari hum ia sajo noma na tading. Ulang-ulang betak na marmara do ia lalu di tonga dalan i. Au ma matobang, jana hamarsahan na nialapanmunu on ma patibu mate au.”

PAMUNGKAAN 44:29

Jadi muda laing buatonmunu dope anakku na paduahon on sian au, jana masa ma parmaraan tusia, tontu hamarsahan na nibaenmunu on tu au, i noma na maroban au tu hamatean; au ma matobang.’ ”

JOB 15:10

Sian halak na ubanon do hami jagit bisuk on; na dung adong do halahi taran so adong amanta ho!

JOB 17:13

Hum tano hamatean noma da arop ni rohaniba, giot disi ma iba modom di na golap bulita.

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

MASMUR 71:18

Lopus matobang au tehe jana ubanon, ale Debata, ulang ma au tadingkon, lopus hubaritahon kuaso dohot godang ni sahalaMu, tu sude pomparan na giot ro.

PODA 16:31

Halak na jujur maruli umur na ginjang; ubanna i songon tuku na marsinondang.

PODA 20:29

Dihajopkon roha do na poso hara ni hagogoonna, jana marsahala do halak na matobang hara ni ubanna.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 46:4

Au Debatamunu, giot mangondihon hamu; lopus matobang jana ubanon obukmunu. Au na manompa hamu, sai na sarihononKu do hamu, sai na paluaonKu jana urupanKu hamu.

JEREMIA 1:11

Disapai Tuhan ma tu au, “Aha do na niidamu, ale Jeremia?” Hualusi ma, “Dangka ni hayu badam do Tuhan.”

JEREMIA 9:16

PaserahonKu ma halahi tu tonga-tonga ni angka bangso na so ditanda ni halahi sanga ompu ni halahi. TongosonKu ma tentara na mamorangi halahi lopus abis sudena.”

HAMALIMON 19:32

Halak na dung matobang angkon habiaran jana pasangaponmu. Habiari jana pasangap ma Au, angke Au do Tuhan.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.