PARJAMITA 12:4 - BIBEL JAMITA NA DENGGAN

⁴ Alang-alang tarbege noma tu pinggolmu hariburon na di dalan i. Sora ni musik dohot panggilingan giot-giot so habegean. Nada sinok be parmodommu. Sora ni unggas pe, ma tarsunggul ho dibaensa.

PARJAMITA 12:4 ပူးပေါင်းရင်းမြစ်များ

2 SAMUEL 19:35

Ma marumur au salapan pulu taon jana nada adong be na pasonangkon di au. Nada huboto be daina sanga aha na hupangan sanga na huinum i, jana nada hubege be sora ni angka parende. Hum boban sajo noma au di raja i.

JOB 41:14

Ise ma he na tolap pangangang muncungnia na gogo i, na marisi angka ipon na jorbut i?

JESAYA 47:2

Duda ma topung dohot batu; tanggalkon ma basaenmu, buka ma bajumu na jeges i, singkat ma abitmu manaripari aek i.

JEREMIA 25:10

AntahonKu ma sian halahi sora na marriang-riang jana na marmoga-moga di pesta parbagason, sora ni batu panggilingan dohot torang ni lampu.

HALUMBAAN 18:22

Nada habegean be sian ho sora ni musik ni parhasapi, dohot angka parende, sian parsuling dohot sian pangombus sarune! Sahalak pe nada dapot be halak na malo disi jana sora ni batu panggilingan pe nada adong be habegean.