PARJAMITA 12:2 - BIBEL JAMITA NA DENGGAN

² Muda dapot ma hatiha i nada torang be matamu, gabe rambon ma sinondang ni mataniari, bulan dohot bintang. Ombun na robot na maroban udan, totop ma i paihut-ihut ho songon ancaman.

PARJAMITA 12:2 ပူးပေါင်းရင်းမြစ်များ

PAMUNGKAAN 27:1

Sanoli di na dung matobang si Ishak, boti ma mapitung muse, dipiohon ia ma si Esau anaknia siangkaan i, jadi ning ia ma, “Amang!” “Olo, amang,” ning si Esau mangalusi.

PAMUNGKAAN 48:10

Ma rambon parnidaan ni si Jakob hara ni tobangna jana nada tangkas be diida ia. Dipadonok si Josep ma dakdanaknia i tu lambung ni si Jakob, dihaol ia ma dakdanak i jana diumma ia.

MASMUR 71:20

Madung dipadondonkon Ho tu au bahat sitaonon na dokdok, hape dipasuang Ho do gogongku, jana disungguli Ho au sian tanoman.

MASMUR 77:16

Paida-ida Ho ale Debata, aek pe gabe mabiar, salang tandolan ni laut pe gabe humutur.

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JOEL 3:15

Manggolap ma mataniari dohot bulan, jana angka bintang pe nada marsinondang be.”

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

1 SAMUEL 3:2

Di sada borngin, modom di kamarna do si Eli na sun tobang i jana na so marnida i be dohonon,

1 SAMUEL 4:15

Madung marumur sambilan pulu salapan taon si Eli jana dohonon mapitung ne ma ia.

1 SAMUEL 4:18

Di na nibaritahon ni bayo i taringot tu Poti Parjanjian i, tinggang ma si Eli singgalak sian karosina i di lambung ni pintu horbangan i. Hara ni tobangnia boti mokmok gabe maponggol ma rungkungnia di na madabu i jana mate ma ia. Madung opat pulu taon honokna dipimpin ia Israel.