PARJAMITA 12:11 - BIBEL JAMITA NA DENGGAN

¹¹ Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

PARJAMITA 12:11 ပူးပေါင်းရင်းမြစ်များ

PAMUNGKAAN 49:24

Tapi laing hot do togu panania i, jana tangannia tong-tong margogo, hara ni kuaso ni Parmahan Na Gumogo, Debata ni si Jakob dolok batu ni Israel.

ESRA 9:8

Hape saonnari, ale Tuhan Debatanami, apala on dope maribo ni roha Ho tu hami. Dipalua Ho do sanga na piga halak sian tonga-tonganami sian parhatobanan anso mangolu di bagasan dame di inganan na marhapunjungan on. Dilehen Ho do di hami ngolu na imbaru. Dompak di bagasan parhatobanan hami,

MASMUR 23:1

Songon sada parmahan do Tuhan di au, nada adong hurang bagi aha di au.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

PODA 1:6

Marhite dalan na songon i tardodo halahi ma bagasna arti ni poda jana botoonna ma alus ni angka na masa na nipatujolo ni angka halak na marbisuk.

PODA 10:21

Hara ni hata ni halak na burju, bahat halak dipasupasu haotoon ni halak na bodo mangago dirina sandiri tutu.

PODA 22:17

Tangihon ma, anso huajarkon tu ho poda ni halak na marroha! Parrohahon ma pangajaran i,

PARJAMITA 10:12

Hata ni halak na pistar do mambaen sangap ia, hape anggo halak na oto, mago do hara ni hata-hatana.

PARJAMITA 7:5

Gumonan do digorahon halak na marsinaloan umpado mambege ende ni halak na oto.

JESAYA 22:23

LehenonKu ma disia juguhan na togu songon sangkotan na damos dipasang di tembok. Gabe marsangap ma sude halahi sabagas hara ni ia.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JEREMIA 23:29

Songon api do hatangKu jana songon toko na manapor batu!

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

JOHANNES 10:14

Au do parmahan na denggan. Hutanda do angka biri-biringKu jana ditanda halahi do Au,

JOHANNES 3:10

Dialusi Jesus ma, “Guru ni halak Israel ma ho, hape hum i pe so diboto ho?

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

2 KORINTUS 10:4

Nada hami pake angka sinjata ni portibi on di bagasan paraloannami tapi angka sinjata ni Debata na markuaso i do. Sinjata i do hami baen manaluhon angka partahanan ni jolma. Hami alusi do sude angka parsoalan

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 4:12

Hata na mangolu jana na margogo do hata ni Debata; tumajom dope i sian podang sidua baba. Disirang ia do tondi dohot hosa, utok-utok dohot holi-holi, jana markuaso do i manguhumi pikiran dohot parrohahon ni ate-ate.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.