PARJAMITA 11:8 - BIBEL JAMITA NA DENGGAN

⁸ Dokkon ma tarimakasi muda martamba umurmu. Tapi ingot ma, haru lolot pe ho mangolu di tano on, lumolot dope ari-arimu di bagasan hamatean. Jadi, aha dope lakna siaropon ni rohanta? Parcuma do sudena i jana magopo.

PARJAMITA 11:8 ပူးပေါင်းရင်းမြစ်များ

JOB 10:21

Santongkin nari noma anso kehe au jana nada mulak, mandapotkon luat na holom jana manggolap.

JOB 10:22

Luat na homur na gok halinu ni hagaoran, sarupa ma disi sinondang dohot hagolapan.”

JOB 14:10

Hape mate jolma i, abis ma parsorionna; marujung ma ngolunia, gabe tu dia noma kehena?

JOB 14:12

songon i muse ma jolma na mate: jongjong mangulahi nada tarbaensa be. Nada tarsunggul be i sapanjang langit mangembang, manggulot pe nada ra be, di podomanna ma sapanjangna.

JOB 15:23

Painte-inte mate do halahi bangar; na giot soroanna do bangkena, gabe mamoto ma ia na golap do hape ari pangapudianna.

JOB 18:18

Sian na torang hona usir ia tu na golap; sian tano ni halak na mangolu hona ayak.

MASMUR 49:20

Nada tarbaen jolma martahan di hajagaronna, laing songon binatang i, ia pe mate do muse.

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

PARJAMITA 2:15

Ninna rohangku di bagasan, “Laing bolusonku muse do jambar na ro tu halak na oto. Antong, aha do guna ni sude habisuhonki? Jadi gabe hubaen ma hapateanna paboa na so adong do sanga na aha guna ni i sudena.”

PARJAMITA 2:17

Hara ni i, nada adong arti ni ngolu on di au, harana hum na parohon hasusaan do di au sude na masa di tano on, nada adong asing sian i. Sude do magopo; hum songon na manangkup angin sajo do.

PARJAMITA 2:19

Jana ise ma na umbotosa sanga na pistar ia sanga oto? Haru pe songon i laing ia ma na gabe panean di suha ni karejongku na dapot au salolot ngolungku di tano on parbatu ni halolojangku dohot habisuhonku. Jadi, i pe laing magopo do.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 4:16

Nada taretong bahat ni rayat na nipimpinnia, tapi muda mijur ia sian habangsa i, nada adong na mandok tarimakasi marningot na denggan na nibaennia. Tutu do, magopo do sudena songon karejo na manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 6:11

Mur honok ia manjua, mur so mararti do hata na nidokna, mur so adong do sanga aha untungnia.

PARJAMITA 6:6

Jana dumengganan do i umpado halak na mangolu dua ribu taon, hape nada jungada marhamogaan. Nada he rap kehe tu inganan na sarupa do na dua i?

PARJAMITA 7:14

Antong, moga ma ho muda hatiha mardohar ho. Tapi muda hona hasusaan ho, ulang lupa ho na nilehen ni Debata do i dua-duana. Nada taboto sanga aha na giot masa udutna muse.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

PARJAMITA 8:15

Anggo panyimpulina di au, angkon marjop ni roha do jolma. Harana nada adong hasonangan na asing disia, di tano on di bagasan ngolunia asing ni na mangan, minum dohot marjop ni roha. Hum i sajo do na tardai di tonga-tonga ni halolojana, di bagasan ngolu na nilehen ni Debata disia.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

MATEUS 22:13

Gabe didok raja i ma tu angka naposonia, ‘Tambat ma pat ni bayo on dohot tanganna i, dung i ambungkon hamu tu balian tu inganan na golap i. Disi ma ia tangis jana patungaripon.’ ”

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

PANGARATAION 32:29

Nada diastuisa biasi talu halahi; nada mamoto sude na masa i.

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.