PARJAMITA 11:6 - BIBEL JAMITA NA DENGGAN

⁶ Angkon manyuan ma ho dompak manyogot ari baen muse ma songon i di borngin ni ari. Angke nada taboto sanga na dia na denggan partubuna. Ra muse do gabe dua-duana rap denggan partubuna.

PARJAMITA 11:6 ပူးပေါင်းရင်းမြစ်များ

PARJAMITA 11:7

Sinondang ni mataniari pajop roha; tabona i hape muda tarpargunahon iba.

PARJAMITA 9:1

Hupikiri do i tangkas sudena. Diatur Debata do ngolu ni halak na burju jana na marroha, na margoyak ni roha, bope halak na marroha holong. Nada adong na umboto sanga aha na giot masa di pudian ni ari.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

JESAYA 55:10

Songon udan dohot salju na sian langit i nada jungada mulak, tapi na mijur mambornohi tano, mambaen same martunas dohot martumbur, mangalehen suha sisaburkonon dohot sipanganon,

HOSEA 10:12

Hudok ma, ‘Ale Israel! Buka ma ladang na imbaru di ho, sabur ma tusi same hatigoran, jana buat ma suha ni situtu ni rohamu mangkaholongi Au. Dibaen madung dapot hatihana mulak jana jalahanmu Au, Tuhanmu. Anso ro noma Au jana duruskononKu songon udan tu ho angka pasupasungKu.’

2 KORINTUS 9:6

Timbang hamu ma jolo! Anggo halak na manyuan same saotik, otik muse do suha ni i buatonna. Tapi anggo halak na manyuan bahat same, laing bahat ma muse buatonna suha sian i.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.