PARJAMITA 11:5 - BIBEL JAMITA NA DENGGAN

⁵ Dibaen Debata do sasudena, jana nada tarbaen jolma mangastuisa. Partumbur ni ngolu na imbaru nada diboto jolma di bagasan bortian ni sada ina.

PARJAMITA 11:5 ပူးပေါင်းရင်းမြစ်များ

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

JOB 38:4

Na dung adong dehe ho di na Hujadihon portibi? Muda tutu do bagas na binotomu, paboa ma i!

JOB 5:9

Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 92:5

Ale Tuhan, na godang ma antong angka pambaenanMu, bagasna i antong angka pikiranMu!

PARJAMITA 1:13

Hupasada do rohangku laho manangkasi dohot marsiajari sude na masa di tano on. Sun do dangolna jambar na dilehen ni Debata tu hita.

PARJAMITA 1:6

Mangombus ma alogo tu Selatan, dung i mangombus tu Utara; marputar-putar ia, dung i mulak mangulahi.

PARJAMITA 11:4

Sanga na ise na paintehon lopus denggan sun alogo dohot ari, nada saut i manyuan jana nada muse i mambuat suha.

PARJAMITA 3:10

Huboto do, dilehen Debata do di hita boban na dokdok.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

PARJAMITA 7:24

Ise ma na dapotan arti ni ngolu on? Mabagastu do i laho artihonon!

PARJAMITA 8:17

nada malo hita mangastui karejo ni Debata. Sanga na bia pe tabaen, nada mungkin hita mangastuisa. Dioku halak na pistar do na ummalo ia, tapi anggo na satutuna nada diboto ia.

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

JOHANNES 3:8

Na mangombus do alogo sanga na tudia giotnia; tabege do nian husasakna, tapi nada taboto sanga sian dia harorona jana tu dia kehena. Songon i muse ma halak na nitubuhon ni Tondi i.”

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.