PARJAMITA 10:8 - BIBEL JAMITA NA DENGGAN

⁸ Sanga ise manghuar lubang, muli madabu do ia tu bagasan; sanga ise na mansegoi tembok turbingon ni ulok ma ia.

PARJAMITA 10:8 ပူးပေါင်းရင်းမြစ်များ

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 18:15

Dung i ro ma sampulu halak parangan ni si Joab manggosa-gosa ia lalu mamunusa.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

MASMUR 57:6

Ditaon musungku do jorgong tu au, digohi biar do rohangku. Dihuar halahi do godung di dalanku, hapengani halahi sandiri tu bagasan madabu.

PODA 11:6

Halak na jujur malua hara ni ias ni rohana; halak na so haposan, targompang hara ni songkalna.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

PARJAMITA 10:9

Sanga ise na karejo mangungkit batu, tombom do i jana margasa. Sanga ise na mambola hayu, ra do i gabe marmara.

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

AMOS 9:3

Muda martabuni halahi di puncu ni Dolok Karmel, jalahanKu jana tangkuponKu halahi. Muda martabuni halahi tu toru ni laut adu i, parentahononKu do naga laut laho manurbing halahi.

HAKIM-HAKIM 9:5

lalu kehe ma halahi tu huta ni amangnia di Ofra. Di ginjang ni sada batu, disi ma dibunu ia kahangginia sipitu pulu halak i. Tapi anggo si Jotam anak sianggian ni si Gideon i nada dohot hona bunu hara ni na martabuni ia.