PARJAMITA 10:19 - BIBEL JAMITA NA DENGGAN

¹⁹ Pesta mambaen martata, jana anggur mambaen marmoga-moga. Tapi porlu do hepeng laho manggararisa.

PARJAMITA 10:19 ပူးပေါင်းရင်းမြစ်များ

PAMUNGKAAN 43:34

Sian meja ni si Josep ma dibaen panganon ni halahi, jana tu si Benyamin lima noli umbahat dibaen pangoloi i sian angka angkangna i. Jadi mangan minum ma halahi rap dohot si Josep lopus butong be.

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

1 JUJUR TAON 21:24

Tapi dialusi raja i ma, “Ulang songon i antong! Giotku angkon gararanku do sanga na sadia argana. Nada giot au mangalehen di Tuhan sanga na ahamu sanga manghaulkon haul situtungon na perei-perei di au.”

ESRA 1:6

Dohot do sude hombar bagas ni halahi mambantu marhite na mangalehen barang-barang, angka parkokas perak rupani, sere, balanjo di dalan, binatang boban, angka harto na asing dohot angka sihaulkonon di Bagas Ni Tuhan.

NEHEMIA 5:8

jana hudok ma, “Sagogonami do hami baen manobus angka kahangginami halak Jahudi na tarpaksa manggadis dirina tu bangso na asing. Hape saonnari hamu muse noma mamaksa halahi manggadis dirina tu hamu, haru pe nian laing halak Jahudi do halahi!” Nada taralusi angka pamimpin i sangkababa hata pe.

ESTER 1:10

Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

PARJAMITA 2:3

Hara ni pangonjar ni por ni rohangku anso gabe pistar, hupasada ma rohangku laho marsonang-sonang marhite na minum anggur dohot na marpesta-pesta. Ninna rohangku songon i ma dalanna na dumenggan di jolma laho mangkilala ngoluna na pendek i di tano on.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

JESAYA 23:18

Haulkononnia ma tu Tuhan labo dohot upa na dapotnia jana nada simpanonna. Pargunahonon ni angka halak na manyomba Tuhan ma i baen panobusi ni balanjo dohot pakean na porlu di halahi.

JESAYA 24:11

Marsurak-surak ma angka jolma di dalan-dalan i hara ni na abis anggur. Madung mago jop ni roha salolot-lolotna, jana hamogaan lintop sian sisik ni tano on sudena.

MATEUS 17:27

Tapi anso ulang pola gabe batu partuktuhan di halahi, kehe ma ho jolo mangkail tu dano. Buat ma ihan na parjolo dapot i. Dapot ho ma di baba ni ihan i hepeng satuk ni panggarar ni pajak sian hita na dua. Buat ma hepeng i, gararkon ma tu halahi. I ma pajak sian hita tu Bagas Ni Debata.”

MATEUS 19:21

Didok Jesus ma tusia, “Muda por rohamu gabe sun denggan ho, kehe ma ho manggadis sude sinadonganmu. Lehen ma hepengna i tu angka na pogos, dung i dapot ho ma arta di banua ginjang. Dung i ro ma ho tuson ihutkon ma Au!”

LUKAS 12:19

Dung sidung i hudok ma tu rohangku sandiri: Na maruntung ma da ho! Madung bahat angka na denggan disimpan ho; madung tuk i martaon-taon. Nada pola bahat be sipikiranmu! Aha dope, mangan minum ma ho marsonang-sonang!’

LUKAS 16:9

Dung i mandok hata ma Jesus mangulahi. Didok Ia ma, “Tangihon hamu ma jolo on: Pargunahon hamu ma mammon na geduk laho manjalahi dongan, anso dijagit hamu di inganan na hot muda dung so adong be sinadongan na di tano on.

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

BAENON NI ANGKA RASUL 11:29

Jadi saroha ma sudena angka na porsaya i tu Jesus laho manongos pangurupion tu angka dongan na tinggal di Judea; marguru tu gogona be ma ditongos.

BAENON NI ANGKA RASUL 2:45

Digadisi halahi ma angka barang dohot sinadongan ni halahi, jana dibagi-bagihon halahi ma hepengna i di halahi sudena marguru tu haporluanna be.

1 PETRUS 4:3

Tuk ma hatiha na salpu i di na nibaenmunu sanga aha por ni roha ni angka jolma na so mananda Debata. Nada denggan ngolumunu i. Giot-giot ni sibuk do na niihutkonmunu, na mabuk, na marpesta-pesta, na minum-minum dohot na marsomba gana-ganaan, i ma sada parange na niantahan ni Debata.

HAKIM-HAKIM 14:10

Dung disapai amangnia i boru i, mambaen pesta ma si Simson disi songon na somal di angka naposo bulung.

HAKIM-HAKIM 9:13

Tapi dialusi bona ni anggur i ma, ‘Dia ma he gabe mantak au parohon anggur na pasonangkon roha ni Debata dohot jolma, hum patunda ni na gabe rajamunu!’

1 SAMUEL 25:36

Dung mulak si Abigail mandapotkon si Nabal, hapengani masa do pesta godang di bagasnia i songon horja ni raja. Jadi dibaen na mabuk jana marmoga-moga do si Nabal, nada dipaboa dadaborunia i tusia sanga na aha lopus tu ancogotna i.