PARJAMITA 10:12 - BIBEL JAMITA NA DENGGAN

¹² Hata ni halak na pistar do mambaen sangap ia, hape anggo halak na oto, mago do hara ni hata-hatana.

PARJAMITA 10:12 ပူးပေါင်းရင်းမြစ်များ

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

JOB 16:5

Hupapir rohamunu dohot hata na denggan angka hatangku mambaen roha haapoan.

MASMUR 140:9

Ulang padiar monang musungki, padiar ma angka hata ni halahi na jahat i mandondoni halahi.

MASMUR 37:30

Halak na denggan pajojor hata na marimpola sai na tigor do hata na nidokna.

MASMUR 64:8

PasidungonNia ma halahi hara ni hata ni halahi, mopeng-openg be ma sude na marnidasa.

PODA 10:10

Sanga ise na mangkidopkon mata, patubu hasusaan; sanga ise na oto manghatai, angkon madabu.

PODA 10:8

Diparrohahon na malo do hata sipaingot, tapi giot madabu do anggo halak na oto mangkobar.

PODA 12:18

Hata rarat bolas songon podang mambaen roha mabugang; hata na bisuk tudos tu ubat na mambaen hamaluman.

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PODA 15:23

Denggan ma da sude hata na dipajojor topet di hatihana!

PODA 19:5

Halak na margabus di pangadilan, nada malua sian uhuman.

PODA 22:11

Halak na manghagioti habulusan jana na tabo pangkulingna i do na gabe dongan ni raja.

PODA 26:9

Songon halak na mabuk na mangumpat duri sian tanganna, songon i do halak na oto na pajojorkon poda.

PODA 31:26

Lambok ia manghobari, hatana pe marbisuk do i.

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

PARJAMITA 4:5

Anggo ninna, hum halak na oto sajo do na juguk mangalompit tangan jana na padiarkon dirina mate malean.

PARJAMITA 5:2

Jolo nipikiran ma painte so nidok hata, jana ulang matibutu marjanji tu Debata. Di banua ginjang do Ia jana ho di tano on, jadi bangkol ma ho mandok hatamu.

PARJAMITA 5:6

Ulang ma angka hatamu sandiri mambaen mardosa ho, jadi gabe tarpaksa noma ho mandok tu malim na marhobas tu Tuhan, bahaso na sala do ho. Porlu ma he Debata gabe muruk hara ni angka hatamu jana manyegohon angka na nikarejohonmu?

PARJAMITA 9:17

Gumonan do pabege-bege hata taringot tu halak na pistar umpado parsurak ni sada parkuaso di tonga-tonga ni angka jolma na oto.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

LUKAS 19:22

Didok raja i ma tusia, ‘Naposo na jahat do ho! Hombar tu hata na nipardokkonanmi, uhumanku ma ho. Diboto ho do antong parmuruk au; hubuati do angka na so au puna jana husabi angka na so jongada husuan.

LUKAS 4:22

Di parhatutu halahi do Ia jana homang do roha ni halahi hara ni dengganna sude hata na nidokNia i. Didok halahi ma, “Inda he anak ni si Josep on?”

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.