PARJAMITA 1:9 - BIBEL JAMITA NA DENGGAN

⁹ Sanga aha na jungada tarjadi, tarjadi muse do mangulahi. Sanga aha na nibaen, giot baenon muse dope. Nada adong sanga aha na imbaru di tano on.

PARJAMITA 1:9 ပူးပေါင်းရင်းမြစ်များ

PARJAMITA 1:10

Adong halak na mandok, ‘Ligi ma, indon na imbaru!’ Hape, na dung adong hian do i dompak so sorang hita.

PARJAMITA 2:12

Sanga na bia pe anggo na tarpatupa sada raja, hum na nibaen ni angka raja na di jolona do i. Dung i mamungka hupikirkon sanga na bia do pangalahona muda marbisuk sada-sada halak, sanga loak sanga pe oto.

PARJAMITA 3:15

Na masa saonnari, na dung masa do na salpu i. Na giot adong, na dung honok do i adong. Ditontuhon Debata do anso masa mangulahi, na dung masa hian.”

PARJAMITA 6:10

Sasudena na adong, na dung adong do i sian najolo. Taboto do, na so tarjua jolma halak na gumogo sian ia.

PARJAMITA 7:10

Ulang nisapaan, ‘Biasi dumenggan hatiha najolo umpado saonnari?’ Hum halak na oto do na marsapa songon i.

JESAYA 43:19

Ligi ma, giot baenonKu ma sada pangalaho na imbaru, saonnari mamungka ma tarida, madung he diboto ho? Na giot baenonKu ma dalan di halongonan, mardalan ma angka aek godang di padang na bidang.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

HALUMBAAN 21:1

Jadi huida ma sada langit na imbaru dohot tano na imbaru. Mago ma langit na parjolo dohot tano na parjolo i jana laut pe, mago ma.

HALUMBAAN 21:5

Didok na juguk na di ginjang ni habangsa i ma, “Ligi ma, Hupaimbaru do sasudena!” Jana mangkuling ma Ia muse, “Suratkon ma, angke na tutu jana na sintong do sude hata on.”