PARJAMITA 1:6 - BIBEL JAMITA NA DENGGAN

⁶ Mangombus ma alogo tu Selatan, dung i mangombus tu Utara; marputar-putar ia, dung i mulak mangulahi.

PARJAMITA 1:6 ပူးပေါင်းရင်းမြစ်များ

JOB 37:17

Aha ma, hum na mangorongkon na milas do ho muda mamolus alogo Selatan di tano.

JOB 37:9

Sian Selatan marroan alogo na sun gogo jana sian Utara alogo na ngali maradu manorus.

MASMUR 107:25

Hara ni parentaNia, ro ma topan na manggosa-gosa na mambaen ombak margalumbang.

MASMUR 107:29

Halisungsung na gasa-gasaon dipahohom Ia, angka ombak pe gabe demak.

PARJAMITA 1:7

Mardalan tu laut do sude batang aek, hape laing so marnagok do laut i. Mulak aekna i tu julu ni batang aek i, dung i mardalan pahae mangulahi.

PARJAMITA 11:5

Dibaen Debata do sasudena, jana nada tarbaen jolma mangastuisa. Partumbur ni ngolu na imbaru nada diboto jolma di bagasan bortian ni sada ina.

JUNUS 1:4

Tapi diparo Tuhan ma alogo na gogo tu laut i, gabe masa ma ombak na jorbut situtu na manondong kapal i, saotik nari noma anso maropuk.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

MATEUS 7:27

Muda ro udan, magodang ma aek, ro muse ma alogo na gogo manondong bagas i, marumpak ma bagas i. Hebat sajo ma hasegoanna.”

JOHANNES 3:8

Na mangombus do alogo sanga na tudia giotnia; tabege do nian husasakna, tapi nada taboto sanga sian dia harorona jana tu dia kehena. Songon i muse ma halak na nitubuhon ni Tondi i.”