PARJAMITA 1:3 - BIBEL JAMITA NA DENGGAN

³ Markarejo hita salolot mangolu, maradu hodohan. Hape dia ma suhana na tarhagodangkon hita?

PARJAMITA 1:3 ပူးပေါင်းရင်းမြစ်များ

PARJAMITA 2:11

Tapi di pudi hupamanat ma sude karejongki, gabe huboto ma na so adong do arti ni i sudena. Magopo do sude karejongki songon na manangkup angin sajo.

PARJAMITA 2:18

Sude suha ni parkarejoanku dohot pandapotku so adong gunana di au, harana angkon tadingkononku do i di na manggontihon au.

PARJAMITA 2:19

Jana ise ma na umbotosa sanga na pistar ia sanga oto? Haru pe songon i laing ia ma na gabe panean di suha ni karejongku na dapot au salolot ngolungku di tano on parbatu ni halolojangku dohot habisuhonku. Jadi, i pe laing magopo do.

PARJAMITA 2:22

Marsitutu do markarejo jolma i salolot mangolu jana marsusa-susa; jadi dia ma suha ni halolojana i na tarhagodangkonsa?

PARJAMITA 3:9

Aha ma he guna ni sude halolojanta?

PARJAMITA 4:3

Tapi na gumodang dope tuana muse, i ma angka jolma na so sorang dope, harana nada diida halahi dope hajahatan na dikarejohon di tano on.

PARJAMITA 4:7

Adong dope na magopo di ngolu on.

PARJAMITA 5:16

Nada tigor i! Parkehenta laing songon hatiha di na ro hita. Marloja-loja hita laho manangkup angin, jana aha do gunana?

PARJAMITA 5:18

Jadi gabe huboto ma, anggo na dumenggan di hita, i ma mangan, minum dohot mangkilalahon parkarejoan dohot suha ni karejonta salolot di ngolu na pendek na nilehen ni Debata di hita; i do jambarta.

PARJAMITA 6:12

Bia do pamboto ni jolma sanga aha na dumenggan disia di bagasan ngoluna na pendek jana na so marguna, jana na salpu songon halinu? Bia do baenon ni jolma mangastui sanga aha na giot masa di tano on dung so adong be ia?

PARJAMITA 7:11

Angkon marbisuk do jolma na mangolu; jana sarupa do arga ni bisuk dohot tean-teanan;

PARJAMITA 9:13

Di tano on adong do tiruan na denggan na huida. Salaho tu parnidaan ni jolma maradopkon habisuhon:

PARJAMITA 9:3

Jadi, sarupa do bagian na mandondoni halahi sudena. Nada tigor songon i laing songon sude na masa na di tano on. Salolot di ngolu ni jolma i gok hajungkaton do rohana jana pikiranna pe gok haotoon do. Dung i tompu ma ro ajalna.

PARJAMITA 9:6

Holong ni roha, hagigian maradu hagiotnia mate do sudena i rap dohot ia. Nada be maruli ia di bagi aha di bagasan sude na masa di portibi on.

JESAYA 55:2

Baen aha manobusi barang na so bisa panganon, dohot markarejo baen tu sipanganon na so pabutongkon? Ihutkon ma parentangKu, gabe dapot ho ma na denggan, jana daionmu ma sipanganon na tabo.

HABAKUK 2:13

Marloja-loja angka bangso na nitaluhonmu nada adong gunana, jana abis dipangan api do sude na nipajongjongna. Giot ni Tuhan Na Markuaso i do sudena i.

HABAKUK 2:18

Aha ma he guna ni patung gana-ganaan? Aha ma he guna ni patung gana-ganaan sibaen gabus i? Harana porsaya do na mambaenna di parkarejoanna, hape nian angka gana-ganaan na ngungu do na nibaenna i.

MATEUS 16:26

Aha ma he labo ni halak, muda ia nampuna sude na satano on, anggo mago do sian ia ngolunia? Targonti ma he ngolu i sanga na dohot aha?

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

1 KORINTUS 16:16

Situtu ni rohangku manyosoi hamu, ihutkon hamu ma pamimpin na songon ia i, bope angka dongan na asing na markarejo dohot mangoloi rap dohot halahi.