PARJAMITA 1:16 - BIBEL JAMITA NA DENGGAN

¹⁶ Ninna rohangku, “Na pistar do au, dao umpistar sian sude halak na mamarenta di Jerusalem dompak so au. Torang situtu do huastui arti ni habisuhon dohot parbinotoan.”

PARJAMITA 1:16 ပူးပေါင်းရင်းမြစ်များ

1 RAJA-RAJA 10:7

Tapi dung ro au tuson jana huida sandiri sude dohot matangku, baru ma anso porsaya au. Satutuna, nada marsatonga dope na hubege i sian na huida saonnari. Satutuna anggo hamaloan dohot sinadongan ni tuan i dao do umbahat sian na dicaritohon tu au.

1 RAJA-RAJA 4:30

Di angka luat na di Habincaran dohot na di Mesir nada adong halak na ummalo sian ia.

1 RAJA-RAJA 5:9

Obanon ni angka rayatki ma hayu i mijur sian Libanon tu laut. Ditambat halahi ma hayu i disi gabe rakit, dung i diumbang ma i manopi-nopi lalu tu inganan na nitontuhon ni tuan i. Disi ma nibukaan angka rakit i jana dilehen tu rayat ni tuan i anso dipauli satorusna. Hupangido sian tuan i anso dipasingkop panganon ni angka halak sabagas godangku.”

2 RAJA-RAJA 5:20

marpikir ma si Gehasi pangurupi ni si Elisa i, “Biasi dipaloas ia kehe sajo inda manggarar? Sugari angkon jagiton ni tuanki do nian silehen-lehen ni halak Siria i! Hara ni Tuhan na mangolu i, angkon hukojar bayo i anso adong dapot au sanga na aha sian ia!”

2 JUJUR TAON 2:12

Nipuji ma da Tuhan Debata ni Israel. Na manompa langit dohot tano on! Dilehen Ia do antong sada anak na sun marbisuk jana na marparbinotoan di si Daud, i ma na giot pajongjongkon Bagas di Tuhan dohot bagas godang diSia sandiri.

MASMUR 4:4

Padiar ma muruk hamu, tapi ulang be mardosa. Haru pe muruk ho simpan ma i di bagasan rohamu sajo jana pahusor-husor ma i di na payak ho modom di na buni borngin ni ari.

MASMUR 77:6

Bornginna i marpikir-pikir ma au jana sapa-sapa di bagasan rohangku,

PARJAMITA 2:1

Huputuskon ma di bagasan roha, giot pasonangkon rohangku sandiri jana mangkilalahon sanga songon dia hasonangan i. Hape laing tong do nada marguna.

PARJAMITA 2:15

Ninna rohangku di bagasan, “Laing bolusonku muse do jambar na ro tu halak na oto. Antong, aha do guna ni sude habisuhonki? Jadi gabe hubaen ma hapateanna paboa na so adong do sanga na aha guna ni i sudena.”

PARJAMITA 2:9

Tutu do, gumodang do au ulang pado sanga ise na jungada maringanan di Jerusalem, jana habisuhonku tongtong tinggal rap dohot au.

PARJAMITA 3:17

Ninna rohangku do di bagasan, uhumon ni Debata do halak na burju dohot halak na jahat, angke sude pangalaho dohot sude pambaenan na tarjadi do i di hatiha na nitontuhon ni Debata.

JEREMIA 22:14

Marjaya muse ma halak na mandok, “Giot pajongjongonku ma bagas godang na godang, marbilik-bilik na godang di tingkat parginjang.” Dung i dibaen ia ma di bagas godang i jandela na marbingke hayu sampinur Libanon, jana dicet na rara.

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.