PARJAMITA 1:13 - BIBEL JAMITA NA DENGGAN

¹³ Hupasada do rohangku laho manangkasi dohot marsiajari sude na masa di tano on. Sun do dangolna jambar na dilehen ni Debata tu hita.

PARJAMITA 1:13 ပူးပေါင်းရင်းမြစ်များ

PAMUNGKAAN 3:19

Maradu loja noma ho markarejo jana hodohan laho pauli tano i anso marhasil, lopus mulak ho gabe tano angke na sian i do ho dijadihon, jana mangulahi muse ma ho gabe tano.”

JOB 28:3

Dibolus halak do na golap bulita, inganan na sabagas-bagasna pe dipareso roha. Disi di bagasan hagolapan i ma, dijalahi halak angka batu na mararga.

MASMUR 111:2

Na godang ma antong pambaenan ni Tuhan, disihiri sude halak na manghagiotisa.

PODA 18:1

Halak na so malo margaul, diparrohahon hum tu dirina, pandapot ni halak na asing nada tarjagitsa.

PODA 18:15

Bahat do halak na pistar marjop ni roha, jana manguas marsiajar.

PODA 23:26

Denggan-denggan ma parrohahon jana tiru ma ngolungku, ale anakku!

PODA 25:2

Marmulia do Debata hara ni angka na nirahasiahonNa; raja dipasangap hara ni angka na tarpatorangsa.

PODA 4:7

Pangalaho na umpenting angkon patulusonmu, i ma na parayakkon habisuhon. Sanga aha pe na nikojarmu, na umporlu, i ma angkon usahahononmu dapotan pangastuion.

PARJAMITA 1:17

Jadi hupasada do rohangku laho mamboto parkotian ni parbinotoan dohot haotoan, antara ni habisuhon dohot na pamalo-malohon. Hape songon na manangkup angin sajo do au.

PARJAMITA 11:5

Dibaen Debata do sasudena, jana nada tarbaen jolma mangastuisa. Partumbur ni ngolu na imbaru nada diboto jolma di bagasan bortian ni sada ina.

PARJAMITA 12:12

Anakku, tu sada pangalaho angkon jamot do ho. Nada adong ujung ni panyuratan ni buku, jana mabahattu marsiajar mambaen loja do roha dohot pamatangniba.

PARJAMITA 2:23

Sanga aha na nikarejohonnia salolot di ngolunia, parohon pardangolan do i dohot hancit ni roha disia. Dompak borngin pe susa do rohana. Jadi na magopo do sudena i.

PARJAMITA 2:26

Debata do na mangalehen habisuhon, parbinotoan dohot hamogaan tu jolma na pasonangkon rohaNia. Tapi anggo halak pardosa disuru Ia do karejo manjalahi bohal dohot palagutkon suhana di halak na pasonangkon roha ni Debata. Jadi, sudena i magopo do songon karejo na manangkup angin.

PARJAMITA 3:10

Huboto do, dilehen Debata do di hita boban na dokdok.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

PARJAMITA 4:4

Laing huboto muse dope bahaso songon i situtuna jolma markarejo, hum hara ni na mangiburu paida-ida pandapotan ni hombar bagasna. Magopo do sudena i songon karejo na manangkup angin.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

PARJAMITA 7:25

Haru songon i pe torus do au marsiajar dohot manjalahi parbinotoan, anso dapotan bisuk dohot alus di sude parsapaan. Boti anso mangarti iba bahaso haotoan do dosa jana hajungkaton do hajahatan.

PARJAMITA 8:9

Huida do sudena on di na huparrohahon halolojamu, salolot di ngolumu di tano on. Huhul dipake jolma i do kuasona laho mangarugii donganna jolma.

1 TIMOTEUS 4:15

Situtui ma mangkarejohon i sudena anso sudena halak marnida hamajuanmu.