PANGARATAION 9:9 - BIBEL JAMITA NA DENGGAN

⁹ Manangkok au tu dolok i laho manjagit batu panyuratan ni parjanjian na nibaen ni Tuhan dohot hamu. Opat pulu ari opat pulu borngin lolotna au di ginjang dolok i nada mangan sanga minum.

PANGARATAION 9:9 ပူးပေါင်းရင်းမြစ်များ

1 RAJA-RAJA 19:8

Jadi ngot ma si Elia lalu mangan jana minum lopus margogo ia jana lobas ia mardalan opat pulu ari lolotna tu Sinai, dolok inganan ni Tuhan i.

2 RAJA-RAJA 6:22

“Ulang,” ning si Elisa. “Salangkan tentara na nitangkup ni raja i di parporangan nada pola dibunu raja i, mur on ma hape. Lehen ma halahi mangan dohot minum, dung i padiar ma marmulahan halahi mandapotkon raja ni halahi.”

HARURUAR 24:12

Dung i ninna Tuhan i ma tu si Musa, “Dapotkon ma Au tu dolok on dompak dison ho, anso Hulehen tu ho dua batu parningotan na marisi sude uhum na Husurat songon pangajaran di bangso i.”

HARURUAR 24:15

Jadi manangkok ma si Musa tu Dolok Sinai i, ro muse ma ombun manggupgupisa.

HARURUAR 24:18

Jadi torus ma si Musa manangkok lopus masuk ia tu bagasan ombun i. Disi ma ia opat pulu ari opat pulu borngin honokna.

HARURUAR 31:18

Dung sidung Debata manghatai dohot si Musa di Dolok Sinai, dilehen Ia ma tu si Musa batu panyuratan ni uhum ni Debata, batu sidua-dua na nisurat ni tangan ni Debata sandiri.

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

MATEUS 4:2

Opat pulu ari opat pulu borngin honokna nada mangan Jesus. Gabe male ma Ia.

GALATIA 4:24

On ma jolo songon tudosanna. Ina-ina na dua i tarsongon dua parjanjian ma i: Na sada marharoroan sian Dolok Sinai – i ma si Hagar; angka dakdanaknia pe sorang ma i songon hatoban.

PANGARATAION 8:3

Dipadiar Ia hamu tangkuraparon, dung i dilehen Ia tu hamu manna baen panganon, i ma sipanganon na so jungada hian dope dipangan hamu sanga ompumunu. Na mangajari hamu do umbaen dipatupa Tuhan songon i bahaso nada hum sian roti sajo jolma mangolu, tapi sian sude na nidok ni Tuhan.

PANGARATAION 9:11

Olo, dung salpu na opat pulu ari opat pulu borngin i, dilehen Tuhan ma tu au batu na dua na dung marsurat dohot parjanjian i.

PANGARATAION 9:15

Dung i manuat ma au sian dolok i, huoban batu sidua-dua na marsurat parjanjian i. Di na mardalan au mijur sian dolok i, haruar ma angka dila ni api.

PANGARATAION 9:18

Dung i manungkap au sanoli nari di jolo ni Tuhan di puncut ni dolok i opat pulu ari opat pulu borngin lolotna, nada mangan nada minum. Hubaen pe songon i hara ni na dung mardosa do hamu maradopkon Tuhan jana muruk Ia dibaen hamu.

IBRANI 9:4

Di balik ni i adong do sada inganan na nibaen sian sere laho manutung hamonyan jana adong muse Poti Parjanjian na nilampis sudena dohot sere. Di bagasan poti i adong do sada mangkuk sere na marisi manna, tungkot ni si Harun na dung martunas dohot duangkoping batu tulis panyuratan ni Tona Na Sampulu i na sian Debata.