PANGARATAION 9:5 - BIBEL JAMITA NA DENGGAN

⁵ Dipadiar Tuhan hamu mambuat tano ni halahi i, dibaen por ni rohaNia do patulus janjiNia dohot ompumunu si Abraham, si Ishak dohot si Jakob.

PANGARATAION 9:5 ပူးပေါင်းရင်းမြစ်များ

PAMUNGKAAN 12:7

Dipatidahon Tuhan ma diriNa tu si Abram jana didok ma, “Luat on ma da na giot lehenonKu di pomparanmu.” Jadi dipajongjong ia ma sada langgatan di inganan i di Tuhan na patidahon diriNa tusia.

PAMUNGKAAN 13:15

lehenonKu ma tu ho dohot tu pomparanmu sude tano na niidami anso gabe ho nampunasa salolot-lolotna.

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PAMUNGKAAN 15:7

Dung i didok Tuhan ma tusia, “Au ma da Tuhan na mangiring-iring ho ruar sian tano Ur na di Babilonia, anso Hulehen luat on gabe tanomu.”

PAMUNGKAAN 17:8

LehenonKu ma di ho dohot di pomparanmu, i ma tano na niingananmon saonnari songon paisolat. Sude tano Kanaan gabe pomparanmu ma nampuna i ro di salolot-lolotna jana Au ma gabe Debata ni halahi.”

PAMUNGKAAN 19:29

Songon i ma di na niabiskon ni Debata angka kota na di rura na niinganan ni si Lot i, diingot Debata do si Abraham jana ditolong Ia do si Lot paluahon dirina.

PAMUNGKAAN 26:4

LehenonKu do hagabean anso maranak marpahompu ho sabahat ni bintang na di langit jana lehenonKu do sude luat on tu halahi. Pangidohonon ni bangso na satano on ma sudena tu Au anso Hupasupasu halahi songon pamasumasungKu di pomparanmu.

PAMUNGKAAN 28:13

Jana di lambungna i jongjong ma Debata mandok, “Au ma da Debata na nisomba ni si Abraham dohot si Ishak. LehenonKu ma di ho dohot di pomparanmu tano inganan na nipodomanmon.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

JEHESKIEL 20:14

Tapi nada tulus Hupalalu hara ni na manjago sangap ni goarKu anso ulang marlayas goarKu dibaen angka bangso-bangso na marnida Au maroban Israel ruar sian Mesir.

JEHESKIEL 36:22

Jadi hara ni i, palalu ma sanga aha na Hudok, Au Tuhan Debata mandok tu halak Israel, ‘Sanga aha na giot baenonKu sanoli on, nada hara ni hamu, ale angka halak Israel, tapi hara ni goarKu na badia i do, na nipahodarmu sanga na tu dia pe hamu kehe.

JEHESKIEL 36:32

Ingot ma ale Israel, Hubaen pe sasudena i nada hara ni hamu. Angkon ila ma nian rohamunu jana bile pangkilalaanmunu patunda ni pangalahomunu i. Au Tuhan Debata madung mandok songon i.’ ”

HAMALIMON 18:24

Ulang pahodar dirimu hara ni angka pangalaho na songon i, angke songon i do halak parbegu mambaen ramun dirina, i ma halak na maringanan di Kanaan taran so hamu. Hara ni i ma dibaen dipakehe Tuhan halahi, anso taringani hamu luat i.

HAMALIMON 18:25

Dibaen madung dikarejohon halahi sude angka karejo hagigian i, gabe ramun ma tano i. Gabe diuhum Tuhan ma halahi, nada diloas be halahi maringanan disi. Tapi anggo hamu, ulang ma karejohon hamu angka karejo na songon i. Sude hamu halak Israel dohot halak na leban na tinggal rap dohot hamu, angkon karejohononmunu do sude aturan ni Tuhan,

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

BAENON NI ANGKA RASUL 3:25

Di hamu do angka janji ni Debata na nipabolkas ni angka panurirang i. Di bagasan parjanjian na nibaen ni Debata tu angka ompungmunu pe didok Debata do tu si Abraham songon on, ‘PasupasuonKu ma sude bangso na di tano on markite-hite pomparanmu.’

SURAT NI SI PAULUS TU PARLAGUTAN ROM 11:28

Mangihutkon Jamita Na Denggan i, musu do halahi hara ni hamu, tapi mangihutkon pamilion i haholongan do halahi hara ni angka ompu i.

SURAT NI SI PAULUS TU PARLAGUTAN ROM 15:8

Tapi on do na hudok, na gabe pangoloi ni halak Jahudi do Kristus, hara ni hasintongan ni Debata, anso dipatogu Ia janji na dung nilehenNia di angka ompunta.

PANGARATAION 1:8

Ingot ma; Au do Tuhan na dung manjanjihon sude tano i tu ompumunu si Abraham, si Ishak dohot si Jakob maradu tu pomparan ni halahi. Antong, kehe ma hamu, jana ingani hamu ma luat i.’ ”

PANGARATAION 12:31

Ulang cubo-cubo hamu maniru pambaen ni halahi marsomba tu angka debata ni halahi laho manyomba Tuhan Debatamunu, angke dompak marsomba, dipatupa halahi do angka pangalaho na jorbut na nihagigihon ni Tuhan. Salang angka dakdanak ni halahi sandiri pe antong ditutung halahi do di ginjang ni langgatan gabe songon haul tu angka debata ni halahi i.

PANGARATAION 18:12

Dihagigihon Tuhan Debatamunu do halak na mambaen pangalaho na jahat i, jana hara ni i do umbaen na nipaorotNia angka bangso sian jolomunu.

PANGARATAION 18:9

“Muda masuk hamu tu tano na nilehen ni Tuhan Debatamunu i tu hamu, ulang antong tiru hamu angka pangalaho hagigian na nibaen ni angka bangso na adong disi.

PANGARATAION 20:18

Angkon bunuonmunu do halahi, anso ulang mardosa hamu maradopkon Tuhan hara ni na mangihut di pangajaran ni halahi laho mambaen angka pangalaho hagigian na nipatupa ni halahi di na mamele angka debata ni halahi.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.