PANGARATAION 9:28 - BIBEL JAMITA NA DENGGAN

²⁸ Muda laing pusaonMu do bangsoMon, gabe dokkonon ni halak Mesir ma na so tuk gogoMu maroban bangsoMon tu tano na dung nijanjihonMi tu halahi. Dokkonon ni halahi ma na giot mamunu bangsoMi do Ho umbaen dioban Ho halahi tu parhorsihan, hara ni goyak ni rohaMu tu halahi.

PANGARATAION 9:28 ပူးပေါင်းရင်းမြစ်များ

HARURUAR 32:12

Biasi ma he angkon dokkonon ni halak Mesir: Dioban Ia ma halahi ruar anso dipadondonkon Ia do bala tu halahi jana dibunu Ia halahi di dolok jana disudehon Ia halahi sian tano on? Palambok ma da rohaMu na marpiar-piar i jana marpangulahi ma rohaMu taringot tu hamamago na giot paroonMu tu bangso on.

JEHESKIEL 20:9

Tapi nada Hupalalu i anso ulang marlayas goarKu dibaen angka bangso di tano na niinganan ni halahi. Harana na dung Hupabotohon do tu bangso Israel di jolo ni angka bangso-bangso i, na giot obanonKu halahi ruar sian Mesir.

BILANGAN 14:16

madung dibunu Ho bangsoMu di halongonan, dibaen nada tolap Ho be maroban halahi tu luat na dung nijanjihonMi.

PANGARATAION 1:27

Mungut-ungut do hamu sama hamu songon on, ‘Goyak do roha ni Tuhan tu hita. Dioban Ia pe hita ruar sian Mesir anso hum pasahatkon hita do tu bagasan tangan ni halak Amori i anso dibunu halahi hita.

PANGARATAION 32:27

Tapi nada musuna marginjang ni roha songon na maropuk bangsongKu patundana, angke hum Au, Au sajo do da na mangabiskonsa.

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

JOSUA 7:9

Tarbege ma pangalaho on tu angka halak Kanaan dohot tu sude angka jolma na asing. Hobuhon ni halahi ma hami jana bunuonna ma hami sudena! Dung i aha dope sibaenonMu laho mampartahankon padenggankon goarMu na sangap i?”