PANGARATAION 9:27 - BIBEL JAMITA NA DENGGAN

²⁷ Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

PANGARATAION 9:27 ပူးပေါင်းရင်းမြစ်များ

PAMUNGKAAN 19:29

Songon i ma di na niabiskon ni Debata angka kota na di rura na niinganan ni si Lot i, diingot Debata do si Abraham jana ditolong Ia do si Lot paluahon dirina.

MASMUR 130:3

Muda sai paingot-ingotonMu torus dosanami, ise be na tarbaen malua sian uhuman?

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

HARURUAR 13:5

Mardongan sumpa dijanjihon Tuhan tu ompumunu laho pasahatkon tu luat ni halak Kanaan, Het, Amori, Hewi dohot Jebus. Dung dioban Tuhan hamu tu luat na mora bope na napu i, ganop taon di bulan parjolo angkon hagodangkononmunu do pesta on.

HARURUAR 3:16

Kehe ma ho, palagut ma sude hatobangon ni Israel. Pabotohon ma tu halahi, na dung ro tu ho, Au, Tuhan, Debata ni ompu ni halahi, Debata ni si Abraham, si Ishak dohot si Jakob, na dung patidahon diriNa tu ho i do marsuru ho paboahon tu halahi, jana madung Huida sanga songon dia pambaen ni halak Mesir i tu halahi.

HARURUAR 3:6

Didok Debata ma muse, “Au do Debata ni ompumu, Debata ni si Abraham, si Ishak dohot si Jakob.” Gabe ditutupi si Musa ma bohinia, dibaen biarnia marnida Debata.

HARURUAR 32:13

Ingot ma si Abraham, si Ishak dohot si Israel naposoMi, angke madung marsumpa hian do Ho tu halahi mangasahon diriMu sandiri di na nidokMu tu halahi: BaenonKu ma pomparanMu sabahat ni bintang na di langit, jana sude tano na dung Hujanjihon on lehenonKu ma i tu pomparanmu, anso gabe halahi nampunasa salolot-lolotna.”

PODA 21:12

Diboto Debata Na Sun Tigor i do na masa di bagas ni jolma na so hasaya. Dijulungkon Ia ma halahi lopus gabe pusa.

JEREMIA 14:21

Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

JEREMIA 50:20

Anggo di hatiha i, ias noma Israel dohot Juda sian dosa, angke na giot ampunanKu noma angka halak na dung Hupalua i. Au Tuhan, madung mandok songon i.”

HAMALIMON 26:42

ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.

HAMALIMON 26:45

PaimbaruonKu ma janji na Hubaen dohot ompu ni halahi hatiha Hupatidahon kuasongKu tu angka bangso jana Huoban bangsongKu ruar sian Mesir, anso Au Tuhan gabe Debata ni halahi.”

PANGARATAION 9:26

Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

PANGARATAION 9:28

Muda laing pusaonMu do bangsoMon, gabe dokkonon ni halak Mesir ma na so tuk gogoMu maroban bangsoMon tu tano na dung nijanjihonMi tu halahi. Dokkonon ni halahi ma na giot mamunu bangsoMi do Ho umbaen dioban Ho halahi tu parhorsihan, hara ni goyak ni rohaMu tu halahi.

1 SAMUEL 25:25

Ulang dipikirkon tuan i si Nabal, jolma na so hasaya i! Jolma na bodo i – laing songon goarna i. Na so huida do angka utusan na nisuru ni tuan i.