PANGARATAION 9:26 - BIBEL JAMITA NA DENGGAN

²⁶ Gabe hutangiangkon ma songon on, ‘O Tuhan Debata, ulang antong pusa halakMon, bangso na dung nipaluaMu jana na nitaruhonMu haruar sian Mesir mardongan gogo dohot kuaso na godang.

PANGARATAION 9:26 ပူးပေါင်းရင်းမြစ်များ

2 SAMUEL 7:23

Jana nada adong sada bangso di tano on songon Israel. Hum sasada Israel do bangso na nipaluaMu sian parhatobanan anso baenonMu gabe bangsoMu sandiri. Sude pambaenanMu na godang i dohot hahomangan na nibaenMu tu halahi, na pararatkon hahuskuson ni goarMu do i tu sandok tano on. Madung dipaorot Ho angka bangso na asing dohot angka debata ni halahi di na kehe bangsoMi tu paraloan.

1 RAJA-RAJA 8:51

BangsoMu sandiri do halahi na dung niobanMu haruar sian Mesir na songon naroko i.”

1 RAJA-RAJA 8:53

Sian sude bangso madung dipili Ho halahi gabe bangsoMu sandiri, songon na dung didokMi marhite naposoMu si Musa, di hatiha ditogu Ho ompungnami haruar sian Mesir.”

NEHEMIA 1:10

Tuhan, angka naposoMu do hami on, halakMu sandiri na dung nipaluaMu dohot kuaso bope dohot hagogoonmu na sumurung i.

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

MASMUR 107:2

Dokkon ma songon i marpupu, ale hamu angka na dung dipalua sian hasusaan.

MASMUR 28:9

Palua ma Tuhan, bangsoMi pasupasu ma sanga ise halak na gabe nampunaMi. Ho ma na gabe songon parmahan di halahi, jana jagohon ma halahi salolot-lolotna.

MASMUR 57:1

Ibo ma rohaMu, mida au, ale Debata, ibo ma rohaMu di au, angke marpangondian tu Ho do au. Di linggoman ni habongMu do au martabuni, lopus mantak angka panyego-nyego i.

MASMUR 77:15

Marhite hagogoanMu dipalua Ho bangsoMu, i ma pomparan ni si Jakob dohot si Josep.

MASMUR 78:35

Diingot halahi ma, Debata do pangondian di halahi jana Debata Na Gumincat i do na palua halahi.

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 15:13

Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 33:13

Antong paboa ma sugari sangkapMu tu au, anso taroloi au Ho jana anso sai tongtong lomo rohaMu mida au. Laing ingot ma, Ho muse do mamili bangso on anso Ho nampunasa.”

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JESAYA 63:19

Songon dia ma na so bangsoMu be hami songon na so mamarenta be Ho tu hami.

JEREMIA 14:21

Ulang ma tulakkon hami hara ni goarMu jana ulang ma pabile habangsa hamuliaonMu Ingot ma janjiMu tu hami, ulang ma nian sundati i.

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

ANDUNG 2:20

Ligi ma ale Tuhan, pareso ma angka na niparkancitanMi! Dipangan ina do anak haholongan ni rohana, malim dohot panurirang hona bunu di Bagas Ni Debata.

MIKA 6:4

Madung Huoban hamu haruar sian Mesir, jana Hupalua sian parhatobanan; Husuru do si Musa, si Harun dohot si Miryam laho mamimpin hamu.”

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 21:8

Tuhan, ampuni ma bangsoMu Israel na nipaluaMi sian Mesir. Ampuni ma hami, jana ulang etong hami na martanggung jawab di pamunuon ni halak na so marsala i.’

PANGARATAION 32:9

Hape anggo pompar ni si Jakob on dipili Tuhan diSia sandiri antong.

PANGARATAION 7:8

Tapi dihaholongi Tuhan do hamu jana giotNia do manggohi janji na nibaenNia dohot ompumunu. I ma dalanna umbaen na dipalua Ia hamu mardongan kuaso na godang, jana dipalua Ia hamu sian parhatobanan, sian kuaso ni raja ni Mesir.

PANGARATAION 9:12

Dung i didok Tuhan ma tu au, ‘Ompoti ma mijur sian dolok on, angke madung marrorang bangsomu na nipimpinmi ruar sian Mesir; madung mambaen na jahat halahi. Madung manyimbil halahi sian angka na Huparentahon jana dibaen halahi patung sisombaon.’

PANGARATAION 9:27

Ingot ma angka naposoMu si Abraham, si Ishak dohot si Jakob, jana ulang ma ligi tu jogal ni roha, hajahatan dohot dosa ni bangso on.

PANGARATAION 9:29

Tapi ingot ma, ale Tuhan, bangso na nitodoMu do halahi, jana na dung niobanMu sian Mesir mardongan gogo dohot kuaso na godang.’ ”

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

1 SAMUEL 7:9

Jadi hara ni i, disambol si Samuel ma sada anak ni biri-biri lalu ditutung ia ma i himpal-himpal songon haul tu Tuhan. Dung i martangiang ma ia anso ditolong Tuhan halak Israel, jana tulus do antong tangiangnia i.